Popular Posts
Subscribe To
Posts
Comments
Saturday, January 28, 2012
စိန်စီထားသော အချိန်လေးများ
ကိုယ့်ကိုကိုယ် သတိထားမိလာတာက အချိန် စီမံခံခွဲမှု စွမ်းရည်( Time Managemant Skill) အရမ်းကျလာတယ် ဆိုတာပါပဲ။ အလုပ်အများကြီးကို လုပ်လို့ မပြီးနိုင်ဘူး ဖြစ်လာတယ်။ အာရုံများလို့ မရဘူး။ တစ်ယောက်တည်း လုပ်ချင်ရာ လုပ်က ကိစ္စ မရှိဘူး အလုပ်ထဲ ပြန်ဝင်ပြီ ဆိုတာနဲ့ ကျွန်မတို့ အချိန်တွေကို အလုပ်အတွက် စနစ်တကျ သုံးရတော့မှာလေ။
အချိန်ကိုက်ပြီးရမယ့် အလုပ်တွေ အများကြီးနဲ့ ရင်ဆိုင်ရတော့မှာ။ လူအများနဲ့ ဆက်ဆံတဲ့ အခါ အချိန်ကို သေသေချာချာ စံမံခန့်ခွဲပြီး အလုပ်တွေ မပြီးနိုင်ဘူးဆိုရင် ပြဿနာရှိလာလိမ့်မှာမို့ အခုတလည်းက အလေ့အကျင့် ပြန်လုပ်ဖို့ ကိုယ့်ကိုကိုယ် ပြန်မောင်းတင်ရတယ်။ မောင်းတင်ရင်း မထူးပါဘူး ဆိုပြီး ဒီ ဆောင်းပါးလေးကို ပါရေးလိုက်တာပါ။
ကျောင်းသားဘဝမှာ အရေးကြီးတဲ့ အချိန်စီမံ ခန့်ခွဲမှု
ကျောင်းသားဘဝမှာ ပုံမှန်လုပ်ရတဲ့ အလုပ်၊ နေရာတဲ့ ပုံစံတွေကနေ ခွဲထွက်ပြီး ကျောင်းစာကလွဲလို့ လုပ်စရာမရှိ ကိုယ့်ကျောင်းတက်ချိန်နဲ့ ကျောင်းစာတွေ ပြီးအောင် လုပ်ရတာကလွဲလို့ပေါ့။ အဲဒီမှာ သိပ်မဆိုးသေးပါဘူး။ အတန်းတက်ချိန် မရှိရင် ပိုတောင် အေးဆေးသေးပါတယ်။ ကျောင်းစာသာလျှင့် အရေးအကြီးဆုံးကိုး။ ကျောင်းစာဆိုတဲ့ အာရုံ တစ်ခုပဲ ရှိတယ်။
အဲ ကျောင်းသား ဘဝကနေ အလုပ်ထဲ ဝင်တော့မယ် ဆိုရင်တော့ အရင်လို ကျောင်းသား တစ်ခုတည်း မဟုတ်တော့ဘူး။ ဘဝ ဆိုတာကြီးနဲ့ ထိပ်တိုက်တွေ့ပြီဆိုတော့မှ ချော်လဲလို့ မဖြစ်ဘူး မဟုတ်ဘူးလား။ တကယ်တော့ ကျွန်မတို့ကျောင်းသား ဘဝမှာတင် လက်တွေ့ လုပ်ငန်းခွင် ဆီကို ကူပြောင်းဖို့ အဆင်သင့် ဖြစ်အောင် ပြင်ဆင်ဖို့ပါ ကျွန်မဆို့ အချိန်တွေကို သုံးသင့်ပါတယ်။
ကျောင်းသားဘဝမှာ ကျောင်းစာတွေကို အချိန်မီ ပြီးဖို့က အဓိကပါ၊ ပြီးရင် ကိုယ့် အချိန်တွေကို လူမှု ဆက်ဆံရေးမှာ တိုးတက်လာအောင် လုပ်သင့်ပါတယ်။ ကျောင်းက လုပ်ရှားမှုတွေမှာတာမျိုး၊ အားကစားပွဲတွေ၊ စတဲ့ လူမှုရေး နယ်ပယ်နဲ့ ကိုယ်လက် ကြံ့ခိုင်မှုကိုပါ တိုးတက်အောင် လုပ်သင့်ပါတယ်။
VOA က ပြီးခဲ့တဲ့ အပတ်က သတင်း မှာ ကာယလှုပ်ရှာမှုဟာ ကျောင်းစာကို ပိုတော်စေတယ် ဆိုတာကို နယ်သာလန် ဆေးကျောင်းက သုတေသီတွေက တွေ့ရှိခဲ့ပြီး အသက်ကြီးတဲ့ အခါလည်း သူငယ်ပြန်တာမျိုး မဖြစ်အောင် ကာကွယ်ရာရောက်တယ်လို့ ဖော်ပြသွားခဲ့ပါတယ်။
နောက်ပြီး တခြား ဗဟုသုတ ဖြစ်ဖွယ် စာများ ဟောပြောပွဲများကိုလည်း တက်ရောက်သင့်ပါတယ်။ နောက်တစ်ခုက ငွေရှာတာကို ရပ်မထားပဲ ကျောင်းတက်နေတဲ့ ကြားက ငွေရှာနိုင်အောင် ကြိုးစားနည်းလမ်းရှာသင့်ပါတယ်။
လူဆိုတာ ကိုယ်ခြေထောက်ပေါ် ကိုယ်ရပ်နိုင်တာ အကောင်းဆုံးပါပဲ။ နောက်ဆုံး အရေးအကြီးဆုံး တစ်ချက်က တော့ လုပ်ငန်းခွင်အတွက် ကြိုတင် ပြင်ဆင်မှုပါပဲ။ ကိုယ်သွားမယ့် လုပ်ငန်းခွင်ကို ကြိုတင်လေ့လာ လိုအပ်တာတွေ ပြင်ဆင်ထား ရပါမယ်။ ကိုယ်လုပ်ချင်တဲ့ အလုပ်ကို ကိုယ်လျှောက်နိုင်ဖို့ ရနိုင်ဖို့ အဆင်သင့် ဖြစ်အောင် လေ့ကျင့်ပါ လို့ အကြံပေးချင်ပါတယ်။
Time Management ( အချိန် စီမံခံခွဲမှု)
Time Management ဆိုတာ ကိုယ့်ရဲ့ အသက်နဲ့ဘဝကို စနစ်တကျနဲ့ အကျိုးရှိရှိ ကိုယ်လိုချင်တဲ့ ပုံစံဖြစ်အောင် စိတ်ကျေနပ်စွာ ဘဝကို ဖြတ်သန်းသွားနိုင်အောင် လုပ်တာပါပဲ။
အချိန်ကို စနစ်တကျသုံးခြင်း အကျိုး
အချိန်ကို စနစ်တကျ သုံးတယ်ဆိုတာ သတ်မှတ်ထားတဲ့ အချိန်အတွင်းမှာ သတ်မှတ်ထားတဲ့ အလုပ်တွေကို ပြီးအောင် လုပ်နိုင်တာပါပဲ။ ကိုယ်လုပ်စရာရှိသမျှ အလုပ်တွေကို ပြီးစီးသင့်တဲ့ အချိန်မှာ ပြီးစီးအောင် လုပ်တာပါ။
အဲဒီလို ပြီးစီးလာရင် စိတ်ဖိစီးမှုတွေ ရော့ကျလာမယ်၊ လူက ပိုပျော်ရွှင်လာမယ်။ ကိုယ့်ကိုကိုယ် ယုံကြည်မှုလည်း ပိုရှိလာပြီး။ ကိုယ်ပိုင်စွမ်းရည်တွေ ပိုပြီး မြင့်မားလာမယ်။ စွမ်းရည်မြင့် လာတာနဲ့ အမျှ အလုပ်တွေ အချိန်မှန်ပြီးလာမယ်.. ဒီနောက်တော့ အချိန်ပိုတွေ ထွက်လာမယ်။ အဲဒီ အချိန်ပိုတွေကို ထပ်ပြီး အကျိုးရှိရှိ သုံးနိုင်မယ်ဆိုရင် ကိုယ့်ဘဝကို ပိုကောင်းလာအောင် လုပ်နိုင်မှာ သေချာပါတယ်။
အချိန်ကို စနစ်တကျ သုံးနိုင်ဖို့ ကြိုးစားမယ်
- စိတ်ရှည်ပါ။ အားမလျှော့ပါနဲ့။
အချိန်ကို စနစ်တကျ သုံးနိုင်တဲ့ စွမ်းရည်တက်လာအောင် အရင်ဆုံး လုပ်ရမှာပါ။ နောက် လုပ်နေစဉ်မှာ အားမလျှော့ ပစ်ဖို့နဲ့ ငါ လုပ်နိုင်ပါတယ် ဆိုတဲ့ စိတ်ရှိကိုအမြဲ ထားပြီး ဆက်ကြိုးစားဖို့ တိုက်တွန်းချင် ပါတယ်။
- ကိုယ့် အကြောင်းကိုယ် သိပါ
အလုပ်တစ်ခုကို အကြာကြီးလုပ်ပြီးရင် ငြီးငွေလာတတ်ပြီး အလုပ်ပြီးဖို့ စွမ်းရည်ကျလာတာမို့ ကိုယ့်စွမ်းရည် ဘယ်အချိန်လောက်ဆို ကျလာရင် ဘယ်လို အာရုံကို ပြန်လမ်းဆန်းလာအောင် လုပ်မလဲ ဆိုတာ သိပါ။
သတ်မှတ်အချိန်အတွင်း အလုပ်ပြီးဖို့အချိန်တိုအတွင်း သွေးပူလေ့ကျင့်ခန်းနဲ့ ခေါင်းအေးအောင်ဘယ်လို လုပ်ရမလဲ ဆိုတာ သိအောင် ကြိုးစားပါ။သတ်မှတ်အချိန်အတွင်း အလုပ်တွေ ပြီးတဲ့အခါ ကိုယ့်ကိုကိုယ် ဘယ်လို ဂုဏ်ပြုမလဲ ဆိုတာပါ စဉ်းစားပါ။ သင်ပျော်ရွှင်လာပါလိမ့်မယ်။
- အချိန်ကို စနစ်တကျ ဘယ်လို စီမံခန့်ခွဲမလဲ
တစ်နှစ်အတွင်း၊ တစ်လအတွင်း၊ တစ်ပတ်အတွင်း၊ တစ်ရက်အတွင်း ပြီးအောင်လုပ်ရမယ့် အလုပ်တွေ ချရေးကြည့်ပါလား အဲဒီမှာ သင် ဘယ်လောက် အလုပ်များလဲ ပေါ်လာပြီ။ ကြားဖြတ် ဝင်လာမယ့် အလုပ်တွေလည်း ရှ်ိဦးမှာ မလန့်သွားပါနဲ့။ နောက်တာပါ။ ရိုးရိုးလေးပဲ စတာပေါ့။
အရေးအကြီးဆုံး သတိပြုရမယ့် အချက်က လုပ်သင့်တာနဲ့ လုပ်ချင်တာကို ခွဲသိပြီး လုပ်သင့်တာတွေ ပြီးမှ လုပ်ချင်တာကို လုပ်ပါ။
ညအိပ်ရာမဝင်ခင် နောက်နေ့ ပြီးအောင် လုပ်ရမှာတွေ ကို ချရေးပြီး အချိန်နဲ့ သတ်မှတ်ပါ။ အရေးအကြီးဆုံးကနေစပြီး လုပ်ပါ။ အရေးကြီး တစ်၊ နှစ် စသည်ဖြင့် သတ်မှတ်ပါ။ နောက်ပြီး လုပ်ချင်တာတွေကို ပိုတဲ့ အချိန်မှာ ထည့် သတ်မှတ်ပါ။
မနက်စောစော နိုးနိုးချင်း လုပ်ရမယ့် အလုပ်စာရင်းကို ကြည့်ပြီး ဖြည့်စရာရှိတာဖြည့်ပြီး စလုပ်ပါတော့ ။ အချိန်မီပြီးတာ အတွက် ကိုယ့်ကိုကိုယ် ဆုပေးဖို့ မမေ့နဲ့ ဦးနော်။
လုပ်သင့်တာတွေ မပြီးရင် လုပ်ချင်တာ လုပ်ခွင့်မရတာကတော့ ဒဏ်ပေးခြင်း တစ်မျိုးပေါ့။
ညဘက် အိပ်ရာဝင်တဲ့ အချိန်မှာ ဒီနေ့ မပြီးမြောက်ခဲ့သေးတဲ့ အလုပ်တွေကနေ စရေးပါ၊ နောက် ထပ် လုပ်ရမယ့် အလုပ်တွေ နဲ့ ကိုယ်လုပ်ချင်တာတွေရေးတဲ့အခါ ကိုယ် လုပ်သင့်တာတွေ လုပ်လို့မပြီးလို့ လုပ်ချင်တာတွေကို လုပ်ခွင့်မရတာ သိပြီး လုပ်ချင်တာ လုပ်ခွင့်ရဖို့ ပိုကြိုးစားပြီး လုပ်ပါ။ ဒီလိုနဲ့ အချိန်ကို စနစ်တကျ သုံးတတ်လာပါလိမ့်မည်။
လူက အကျင့်ပါပဲ။ အကျင့် မဖြစ်ခင် ဒုက္ခကြီးလို ဖြစ်နေပေမယ့် အကျင့်ဖြစ်ပြီး အသားကျသွားတဲ့အခါ ပျော်ပျော်ရွှင်ရွှင်နဲ့ အေးဆေး လုပ်နေမှန်း မသိ အချိန်ကို အက်ျိုးရှိရှိ သုံးနိုင်လာမှာမို့ စိတ်ညစ်စရာလို့ မမြင်ပါနဲ့။ လေ့ကျင့်ခန်း စလုပ်ခါစ လူလိုပေါ့ အစတော့ ကိုယ်တွေ လက်တွေ နာတယ် နောက်တော့ လေ့ကျင့်ခန်း မလုပ်ရရင်တောင် နေလို့ ထိုင်လို့ အဆင်မပြေချင်ဘူးလေ။
အင်တာနက်ပေါ်မှာ ဖတ်ထားသမျှနဲ့ ကိုယ်အတွေးလေးကို ပေါင်းစပ် ရေးထားတာတဲ့ ဒီစာလေးကို အချိန်ပေးပြီး လာဖတ်တဲ့ စာဖတ် ပရိတ်သတ်တွေကို ကျေးဇူးတင်ပါတယ်လို့ ပြောရင်း
ကဲ ကျွန်မလည်း သတ်မှတ်ထားတဲ့ Blogging ချိန်က ၁၅ မိနစ်တောင် ကျော်နေပြီ။ ဒီမှာပဲ ရပ်လိုက်ပါတော့မယ်။
ခင်မင်စွာဖြင့်
အလွမ်းပြေ
Subscribe to:
Post Comments (Atom)
0 comments: