အလွမ်းပြေ

 လှူု့အခွင့်အရေးအကြောင်း ပြောရင် အပြည်ပြည်ဆိုင်ရာ လူ့အခွင့်အရေး ကြေငြာစာတမ်း (The Universal Declaration of Human Rights) ကတော့ မပြောမဖြစ် ပြောရမယ့် အကြောင်းအရာ တစ်ခုပါ။

ဒုတိယ ကမ္ဘာစစ်အပြီးမှာ လူတွေဟာ ကြုံတွေ့ခဲ့ရပြီးတဲ့ စစ်ရဲ့ ဆိုးကျိုးတွေကို လက်တွေ့ ရင်ဆိုင်ပြီးတဲ့ နောက်မှာ ဒီလို စစ်ကြီးမျိုး ထပ်ဖြစ်မှာကို မလိုလားတော့ပါဘူး။ 

ဒါကြောင့် ငြိမ်းချမ်းရေးကို ဆက်လက် ထိမ်းသိမ်းထားနိုင်မယ့် နည်းလမ်းတွေကို ရှာဖွေခဲ့ကြရာက ၁၉၄၈ ဒီဇင်ဘာ ၁၀ ရက်နေ့မှာ ကျင်းပတဲ့ ကမ္ဘာ့ကုလသမဂ္ဂ အထွေထွေ အစည်းအဝေးကနေ ဒီအချက်တွေကို ကမ္ဘာ့လူသားအားလုံးရဲ့ ငြိမ်းချမ်းရေးအတွက်  ရှေ့ရှုကာ လူ့အခွင့်အရေး ကြေငြာစာတမ်း (The Universal Declaration of Human Rights)  ကို နိုင်ငံပေါင်း ၅၀ ကျော်က သဘောတူပါဝင်ခဲ့ပြီး  အတည်ပြု ကြေငြာခဲ့ကြပါတယ်။ 

 အပြည်ပြည် ဆိုင်ရာ လူ့အခွင့်အရေး ကြေငြာစာတမ်း( မြန်မာပြန် )

၁၉၄၈ခုနှစ်၊ ဒီဇင်ဘာလ ၁၀ရက်နေ့ တွင် ကမ္ဘာ့ကုလသမဂ္ဂ ညီလာခံအဖွဲအစည်းကြီးက လူ့အခွင့်အရေး ကြေငြာစာတမ်း ကြီးကို အတည်ပြု၍ ကြေငြာ လိုက်ရာ ထိုကြေငြာ စာတမ်းကြီး ၏စာသားသည် နောက်စာမျက်နှာ များတွင်အပြည့်အစုံပါရှိသည်။

ဤကဲ့သို့ရာဇ၀င်တင်မည့်ကြေငြာချက်ကိုပြုလုပ်ပြီးနောက် ဤညီ လာခံအစည်းအဝေးကြီးက ကမ္ဘာ့ကုလသမဂ္ဂအဖွဲ့ဝင်နိုင်ငံအားလုံး အား ထိုကြေငြာစာ တမ်းကြီး၏ စာသားကိုအများပြည်သူတို့ကြား
သိစေရန် ကြေငြာပါမည့် အကြောင်းကိုလည်းကောင်း၊ ထို့ ပြင်နိုင်ငံများ၊ သို့တည်း မဟုတ် နယ်မြေများ၏နိုင်ငံရေး အဆင့်အတန်းကို လိုက်၍ ခွဲခြားခြင်းမပြုပဲ အဓိကအားဖြင့် စာသင်ကျောင်းများနှင့် အခြား ပညာရေး အဖွဲ့အစည်း များတွင် ထိုကြေငြာ စာတမ်းကြီး ကိုဖြန့်ချိဝေငှစေရန် ၊မြင်သာအောင်ပြထား စေရန်၊ဖတ်ကြား စေရန်နှင့်အဓိပ္ပယ်ရှင်းလင်း ဖေါ်ပြစေရန် ဆောင်ရွက် ပါမည့်အကြောင်းဖြင့် လည်းကောင်း ဆင့်ဆိုလိုက်သည်။

စကားချီး…

လူခပ်သိမ်း၏မျိုးရိုးဂုဏ်သိက္ခာနှင့်တကွလူတိုင်းအညီအမျှခံစားခွင့်ရှိသည့်အခွင့်အရေးများကိုအသိအမှတ်
ပြုခြင်းသည် လူခပ်သိမ်း၏ လွတ်လပ်မှု၊ တရားမျှတမှု၊ ငြိမ်းချမ်းမှုတို့၏ အခြေခံ အုတ်မြစ်ဖြစ်သောကြောင့် လည်းကောင်း၊
လူ့အခွင့်အရေးများကိုအရေးမထားမထီလေးစားပြုခြင်းသည် လူခပ်သိမ်း၏အကျင့်သိက္ခာ ကို ချိုးဖေါက် ဖျက်ဆီးတတ်သည့်ရက်စက်ကြမ်းကြုတ်သောအပြုအမှုများကိုဖြစ်ပေါ် စေခဲ့သောကြောင့် လည်းကောင်း၊
လွပ်လပ်စွာဖွင့်ဟ ပြောဆိုနိုင်မှု၊လွတ်လပ်စွာသက်ဝင်ယုံကြည်နိုင်မှု၊ကြောက်ရွံ့ခြင်း၊ ချို့ငဲ့ ခြင်းတို့မှ ကင်း လွတ်စွာအသက်မွေးနိုင်မှုတို့ကိုခံစားရယူစေနိုင်မည့်လောကတစ်ခုပေါ်ပေါက်လာရန်အရေးကိုလူခပ်သိမ်း တို့ကမိမိတို့၏အထက်သန်ဆုံးသောလိုလားချက်ဆန္ဒကြီးအဖြစ်ဖြင့်ကြွေးကြော်ကြေငြာပြီးဖြစ်သောကြောင့် လည်းကောင်း၊

လူခပ်သိမ်းတို့သည် တရားလက်လွတ်နှိပ်စက်ကလူပြုမှု၊ အုပ်စိုးမှုနှင့်ဖိစီးညဉ်းပန်းမှုတို့ကိုနောက်ဆုံးမလွှဲ သာမရှောင်သာ လက်နက်စွဲကိုင်ကာတော်လှန်ခြင်း၊ ပုန်ကန်ခြင်းမပြုစေရန်၊ လူ့အခွင့်အရေးများကို ဥပဒေ ဖြင့် ထိန်းသိမ်းကာကွယ်ပေးရမည်ဖြစ်သောကြောင့် လည်းကောင်း၊

နိုင်ငံအချင်းချင်း ချစ်ကြည့်ရင်းနှီးစွာဆက်ဆံရေးကိုပိုမိုတိုးတက်စေရန်ကြံဆောင်ရမည် ဖြစ်သောကြောင့် လည်းကောင်း၊
ကမ္ဘာ့ကုလသမဂ္ဂ အဖွဲ့ဝင်တို့သည် မှုလလူ့အခွင့်အရေးများကိုလည်းကောင်း၊
လူ၏ ဂုဏ် သိက္ခာကိုလည်းကောင်း၊
ယောကျာင်္း မိန်းမတို့၏ တူညီသည့်အခွင့်အရေးများ ကိုလည်းကောင်း၊ လေးစား ယုံကြည်ပါသည်ဟု ကုလသမဂ္ဂတွင်ထပ်မံ၍ အတည်ပြုပြီးသည့်အပြင်၊ လူမှုကြီးပွားတိုးတက်ရေးနှင့်တကွ ပိုမိုလွတ်လပ်ကောင်းမွန်သော လူ့ဘ၀ အဆင့်အတန်းတို့ကို မြှင့်တင်ရန် သန္နိဌာန် ချပြီးဖြစ်သောကြောင့် လည်းကောင်း၊

ကုလသမဂ္ဂ အဖွဲ့ဝင်နိုင်ငံတို့သည် ကုလသမဂ္ဂ အဖွဲ့နှင့်ပူးပေါင်း၍ လူ့အခွင့်အရေးများကိုလည်းကောင်း၊ အခြေခံ လွတ်လပ်ခွင့် အခွင့်အရေး များကို လည်းကောင်း၊ ကမ္ဘာ တ၀ှမ်းလုံးတွင် ရိုသေ လေးစား ကျင့်သုံး စောင့်စည်း ကြခြင်းကို အားပေးမည်ဟု ကတိပြုပြီး ဖြစ်သောကြောင့်လည်းကောင်း၊

ထို့ကြောင့် အထွေထွေညီလာခံက အပြည်ပြည်ဆိုင်ရာ လူ့အခွင့်အရေး ကြေငြာစာတမ်းကို လူတိုင်း၊ အဖွဲ့အစည်းတိုင်း အစဉ်နှလုံးသွင်းလျက် ကမ္ဘာတ၀ှမ်းလုံးတွင် အဆိုပါ အခွင့်အရေးများနှင့် လွပ်လပ်ခွင့်များကို ရိုသေလေးစားကြစေရန် ဆုံးမသွန်သင်ခြင်းဖြင့် အားထုတ်ကြရမည်ဟု လည်းကောင်း၊ 

ကုလသမဂ္ဂ အဖွဲ့ဝင်နိုင်ငံများနှင့် ထိုနိုင်ငံတို့၏ အာဏာပိုင် အတွင်းရှိ နယ်ပယ်ဆိုင်ရာ တိုင်းသူပြည်သားများအား အဆိုပါအခွင့်အရေးနှင့် လွတ်လပ်ခွင့်များကို ကျယ်ကျယ်ပြန့်ပြန့် ထိရောက်စွာ သိမှတ် ကျင့်သုံးစောင့်စည်းကြစေရန် ပြည်တွင်းပြည်ပဆိုင်ရာ တိုးတက်သောဆောင် ရွက်ချက်များဖြင့် အားထုတ်ကြရမည်ဟု လည်းကောင်း

ရည်ရွယ်ပြီးလျှင် လူ့အခွင့်အရေးများဆိုင်ရာ အပြည် ပြည်ဆိုင်ရာ ကြေငြာစာတမ်း ကို နိုင်ငံခပ်သိမ်း၊ လူခပ်သိမ်းတို့တပြေးညီစွာဆောင်ရွက်နိုင်ကြစိမ့်သောငှာ ယခုထုတ်ပြန်ကြေငြာလိုက်သည်။

အပိုဒ် (၁)
လူတိုင်းသည် တူညီလွတ်လပ်သော ဂုဏ်သိက္ခာဖြင့်လည်းကောင်း၊ တူညီလွတ်လပ်သော အခွင့်အရေးများဖြင့် လည်းကောင်း၊ မွေးဖွားလာသူများဖြစ်သည်။ ထိုသူတို့၌ ပိုင်းခြားဝေဖန်တတ်သော ဥာဏ်နှင့်ကျင့်ဝတ် သိတတ်သော စိတ်တို့ရှိကြ၍ ထိုသူတို့သည် အချင်းချင်း မေတ္တာထား၍ ဆက်ဆံကျင့်သုံးသင့်၏။

အပိုဒ် (၂)

လူတိုင်းသည် လူ့အခွင့်အရေး ကြေငြာ စာတမ်းတွင် ဖေါ်ပြထားသည့် အခွင့်အရေး အားလုံး၊ လွပ်လပ်ခွင့် အားလုံးတို့ကို ပိုင်ဆိုင် ခံစားခွင့်ရှိသည်။ လူမျိုးနွယ်အားဖြင့်ဖြစ်စေ၊ အသားအရောင်အားဖြင့်ဖြစ်စေ၊ကျား၊ မ၊သဘာဝအားဖြင့်ဖြစ်စေ၊ဘာသာစကားအားဖြင့်ဖြစ်စေ၊ကိုးကွယ်သည့်ဘာသာအားဖြင့်ဖြစ်စေ၊နိုင်ငံရေး ယူဆချက်၊ သိုတည်းမဟုတ် အခြားယူဆချက် အားဖြင့်ဖြစ်စေ၊ နိုင်ငံနှင့် ဆိုင်သော၊ သို့တည်းမဟုတ် လူမှု အဆင့်အတန်းနှင့် ဆိုင်သော ဇစ်မြစ် အားဖြင့်ဖြစ်စေ၊ ပစ္စည်း ဥစ္စာ ဂုဏ်အားဖြင့်ဖြစ်စေ၊ မျိုးရိုးဇာတိအားဖြင့် ဖြစ်စေ၊ အခြားအဆင့်အတန်း အားဖြင့်ဖြစ်စေ ခွဲခြားခြင်း မရှိစေရ။

ထို့အပြင် လူတစ်ဦး တစ်ယောက် နေထိုင်ရာ နိုင်ငံ၏ သို့တည်းမဟုတ် နယ်မြေ ဒေသ၏ နိုင်ငံရေးဆိုင်ရာ ဖြစ်စေ စီရင်ပိုင်ခွင့် ဆိုင်ရာဖြစ်စေ တိုင်းပြည်အချင်းချင်း ဆိုင်ရာဖြစ်စေ၊ အဆင့်အတန်း တစ်ခုခုကို အခြေ ပြု၍ သော်လည်းကောင်း၊ ဒေသ နယ်မြေတစ်ခု၏ အချုပ်အခြာ အာဏာပိုင် လွတ်လပ်သည့် နယ်မြေ၊ သို့ တည်းမဟုတ် ကုလသမဂ္ဂ ထိန်းသိမ်းစောင့်ရှောက် ထားရသည့် နယ်မြေ၊ သို့တည်းမဟုတ် ကိုယ်ပိုင် အုပ် ချုပ်ခွင့်အာဏာတို့ တစိတ်တဒေသ လောက်သာရရှိသည့်နယ်မြေ စသည်ဖြင့်ယင်းသို့သောနယ်မြေများ ဖြစ်သည် ဟူသောအကြောင်းကို အထောက်အထားပြု၍ သော်လည်းကောင်း ခွဲခြားခြင်းလုံးဝမရှိစေရ။

အပိုဒ် (၃)

လူတိုင်း၌ အသက်ရှင်ရန် လွတ်လပ်မှုခွင့်နှင့် လုံခြုံစိတ်ချခွင့်ရှိသည်။

အပိုဒ် (၄)

မည်သူ့ကိုမျှ ကျေးကျွန်အဖြစ်၊ သို့တည်းမဟုတ် အစေအပါးအဖြစ်၊ နိုင်ထက်စီးနင်း စေခိုင်းခြင်းမပြုရ၊ လူ ကိုကျေးကျွန်သဖွယ် အဓမ္မ စေခိုင်းခြင်း၊ အရောင်းအ၀ယ်ပြုခြင်းနှင့်ထိုသဘောသက်ရောက်သောလုပ်ငန်း ဟူသမျှကို ပိတ်ပင်တားမြစ်ရမည်။

အပိုဒ် (၅)

မည်သူ့ကိုမျှညဉ်းပန်းနှိပ်စက်ခြင်း၊သို့တည်းမဟုတ်ရက်စက်ကြမ်းကြုတ်စွာလူမဆန်စွာဂုဏ်ငယ်စေသော ဆက်ဆံမှု မပြုရ၊ သို့တည်းမဟုတ် ပြစ်ဒဏ်ပေးခြင်းမပြုရ။

အပိုဒ် (၆)

လူတိုင်းတွင် ဥပဒေအရာ၌ လူပုဂ္ဂိုလ် တစ်ဦး အဖြစ်ဖြင့် အရာခပ်သိမ်းတွင် အသိအမှတ် ပြုခြင်းကို ခံယူခွင့် ရှိသည်။

အပိုဒ် (၇)

လူအားလုံးတို့သည် ဥပဒေအရာ၌ တူညီကြသည့်အပြင်၊ဥပဒေ၏အကာအကွယ်ကိုခြားနားခြင်းမခံရစေပဲ တူညီစွာခံစားပိုင်ခွင့်ရှိသည်။ဤကြေငြာစာတမ်းပါသဘောတရားများကိုဖီဆန်၍ခွဲခြားခြင်းမှလည်းကောင်း ထိုသို့ ခွဲခြားခြင်းကို လှုံ့ဆော်ခြင်းမှလည်းကောင်း၊ ကင်းလွတ်စေရန် အကာအကွယ်ကို တူညီစွာ ခံစားပိုင် ခွင့်ရှိသည်။

အပိုဒ် (၈)

ဖွဲ့စည်းပုံ အခြေခံဥပဒေ ကသော်လည်းကောင်း အခြားဥပဒေက သော်လည်းကောင်း လူတိုင်းအတွက်ပေး ထားသည့် အခြေခံ အခွင့်အရေး များသည် ချိုးဖောက် ဖျက်ဆီးခြင်းခံခဲ့ရလျှင် ထိုသို့ ချိုးဖောက် ဖျက်ဆီးသော ပြုလုပ်မှုကြောင့်ဖြစ်ပေါ်လာသော နစ်နာချက် အတွက် ထိုသူသည် နိုင်ငံဆိုင်ရာ အာဏာပိုင် တရားရုံးတွင် ထိရောက်စွာ သက်သာခွင့် ရနိုင်စေရမည်။

အပိုဒ် (၉)

မည်သူမျှ ဥပဒေအရမဟုတ်သော ဖမ်းဆီးခြင်းကိုဖြစ်စေ၊ ချုပ်နှောင်ခြင်းကိုဖြစ်စေ၊ ပြည်နှင်ခြင်းကို ဖြစ်စေ မခံစေရ။

အပိုဒ် (၁၀)

အခွင့်အရေးများနှင့် တာဝန်ဝတ္တရားများကို အဆုံးအဖြတ်ခံရာတွင် လည်းကောင်း၊ ပြစ်မှုကြောင့် တရားဆွဲ ဆိုစီရင်ဆုံးဖြတ်ခံရာတွင်လည်းကောင်း၊ လူတိုင်းသည် လွတ်လပ်၍ဘက်မလိုက်သောတရားရုံးတော်၏လူ အများရှေ့မှောက်တွင် မျှတစွာ ကြားနာစစ်ဆေးခြင်းကို တူညီစွာ ခံစားပိုင်ခွင့်ရှိသည်။

အပိုဒ် (၁၁)

 (၁) လူအများရှေ့မှောက်၌ ဥပဒေအတိုင်း စစ်ဆေး၍ ပြစ်မှုကြူးလွတ်သည် ဟု ထင်ရှားစီရင်ခြင်းခံရသည့် အချိန်အထိ ပြစ်မှုနှင့် တရားဆွဲဆိုခြင်း ခံရသူတိုင်းသည် အပြစ်မဲ့သူဟူ၍ ယူဆခြင်းခံထိုက်သည့် အခွင့်အ ရေးရှိသည်။ ထိုအမှုကို ကြားနာစစ်ဆေးရာဝယ် စွပ်စွဲခံရသည့်ပြစ်မှုအတွက် ခုခံချေပနိုင်ရန်လိုအပ်သော အခွင့်အရေးများကို ထိုသူအား ပေးပြီး ဖြစ်စေရမည်။

 (၂) တစ်ဦးတစ်ယောက်အား နိုင်ငံဥပဒေအရဖြစ်စေ၊အပြည်ပြည်ဆိုင်ရာ ဥပဒေအရဖြစ်စေ ၊ပြစ်မှုမမြောက်သောလုပ်ရပ် သို့မဟုတ် ပျက်ကွက်မှု အရ ဆွဲဆိုပြစ်ပေးခြင်း မပြုရ။ ထို့အပြင် ပြစ်မှု ကြူးလွန်စဉ် အခါက ထိုက်သင့်စေနိုင်သောအပြစ်ဒဏ်ထက် ပိုမိုကြီးလေးသော ပြစ်ဒဏ်ကို ထိုက်သင့်ခြင်း မရှိစေရ။

အပိုဒ် (၁၂)

မည်သူမျှ မိမိသဘော အတိုင်း အေးချမ်း လွတ်လပ်စွာ နေထိုင်ခြင်းကိုသော်လည်းကောင်း၊ မိမိ၏မိသားစုကိုသော်လည်းကောင်း၊မိမိ၏နေအိမ်အသိုက်အ၀န်းကိုသော်လည်းကောင်း၊ စာပေး စာယူ ကိုသော် လည်းကောင်း ဥပဒေအရ မဟုတ်သော ၀င်ရောက် စွတ်ဖက်ခြင်း မခံစေရ။ ထို့အပြင်မိမိ၏ ဂုဏ်သိက္ခာကိုလည်း အထက်ပါ အတိုင်း ပုတ်ခတ်ခြင်း မခံစေရ။ လူတိုင်းတွင် ထိုသို့ဝင်ရောက် စွတ်ဖက်ခြင်းမှသော် လည်းကောင်း ပုတ်ခတ် ခြင်းမှသော်လည်းကောင်း ဥပဒေအရ ကာကွယ်ပိုင်ခွင့်ရှိသည်။

အပိုဒ် (၁၃)

(၁) လူတိုင်းတွင် မိမိ၏ နိုင်ငံနယ်နမိတ် အတွင်း၌ လွတ်လပ်စွာ သွားလာ ရွှေ့ပြောင်း နိုင်ခွင့်၊ နေထိုင်ခွင့်ရှိ သည်။
(၂) လူတိုင်းတွင် မိမိနေထိုင်ရာ တိုင်းပြည်မှလည်းကောင်း၊ အခြားတိုင်းပြည်မှလည်းကောင်း ထွက်ခွာသွား ပိုင်ခွင့်ရှိသည့်အပြင် မိမိ၏တိုင်းပြည်သို့ ပြန်လာပိုင်ခွင့်လည်းရှိသည်။

အပိုဒ် (၁၄)

(၁) လူတိုင်း တွင် ညဉ်းပန်း နှိပ်စက် ခံနေရခြင်းမှ လွတ်ကင်းရန် အခြား တိုင်းပြည်များ ၌ အေးချမ်းစွာ ခိုလှုံ နေနိုင် ခွင့် ရှိသည်။
(၂) နိုင်ငံရေး နှင့် မပတ်သတ် သည့် ပြစ်မှုများမှ သော်လည်းကောင်း၊ ကုလသမဂ္ဂ၏ ရည်ရွယ်ချက်နှင့် သ ဘောထားမှုများကိုဖီဆန်သော အမှုများမှ သော်လည်းကောင်း၊ အမှန်ပ်ါပေါက်လာသောပြစ်မှုကြောင့် တရားဆွဲဆိုခြင်း ခံရသည့် အမှုအခင်းများတွင် အထက်ပါအခွင့်အရေးကို အသုံးမပြုနိုင်စေရ။

အပိုဒ် (၁၅)

(၁) လူတိုင်းသည် နိုင်ငံတစ်နိုင်ငံ၏ နိုင်ငံသားအဖြစ် ခံယူပိုင်ခွင့်ရှိသည်။
(၂) ဥပဒေအရ မဟုတ်လျှင် မည်သူမျှ မိမိ၏ နိုင်ငံသား အဖြစ်ကို စွန့်လွှတ်ခြင်း မခံစေရ၊ နိုင်ငံသား အဖြစ် ပြောင်းလဲနိုင်သော အခွင့်အရေးကိုလည်း ငြင်းပယ်ခြင်းမခံစေရ။

အပိုဒ် (၁၆)

(၁) အရွယ် ရောက်ပြီးသော ယောကျာင်္းနှင့် မိန်းမတို့တွင် လူမျိုးကို သော်လည်းကောင်း၊ နိုင်ငံသား အဖြစ် ကိုသော်လည်းကောင်း၊ကိုးကွယ်သည့်ဘာသာကိုသော်လည်းကောင်း၊အကြောင်းပြု၍ချုပ်ချယ်ကန့်သတ် ခြင်း မရှိပဲ၊ ထိမ်းမြားနိုင်ခွင့်နှင့် မိသားစုထူထောင်နိုင်ခွင့်ရှိသည်။ အဆိုပါယောကျာင်္းနှင့်မိန်းမတို့သည်လင် မယား အဖြစ် ပေါင်းသင်းနေစဉ် အချိန်အတွင်း၌ သော်လည်းကောင်း၊ အိမ်ထောင်ကိုဖျက်သိမ်း၍ ကွာရှင်း ကြသည့် အခါ၌ သော် လည်းကောင်း၊ လက်ထပ် ပေါင်းသင်း အိမ်ထောင် ပြုခြင်းနှင့် စပ်လျဉ်းသော တူညီ သည့်အခွင့်အရေးများကို ရရှိထိုက်သည်။
(၂) သတို့သားနှင့် သတို့သမီး နှစ်ဦးနှစ်ဘက်၏ လွတ်လပ်သော သဘောဆန္ဒရှိမှသာလျင် ထိမ်းမြားခြင်း ကိုပြုရမည်။
(၃) မိသားစုတစ်ခုသည် လူ့အဖွဲ့အစည်း၏ သဘာဝကျသော အခြေခံ အဖွဲ့တစ်ရပ်ဖြစ်သည်။ ထိုမိသားစု သည် လူ့အဖွဲ့အစည်းနှင့် အစိုးရတို့၏ ကာကွယ်စောင့်ရှောက်ခြင်းကို ခံယူခွင့်ရှိသည်။

အပိုဒ် (၁၇)

လူတိုင်းတွင် မိမိတစ်ဦးချင်းသော်လည်းကောင်း၊ အခြား သူများနှင့် ဖက်စပ်၍ သော်လည်းကောင်း၊ ပစ္စည်း ဥစ္စာတို့ကို ပိုင်ဆိုင်ရန်အခွင့်အရေးရှိရမည်။ဥပဒေအရမဟုတ်လျှင်၊ မည်သူမျှ မိမိ၏ ပစ္စည်းဥစ္စာ ပိုင်ဆိုင်ခွင့်ကို စွန့်လွှတ်ခြင်း မခံစေရ။

အပိုဒ် (၁၈)

လူတိုင်းတွင် လွတ်လပ်စွာ တွေးခေါ်ကြံဆနိုင်ခွင့်၊ လွတ်လပ်စွာခံယူရပ်တည်နိုင်ခွင့်နှင့် လွတ်လပ်စွာသက် ၀င် ကိုးကွယ်နိုင်ခွင့် ရှိသည်။ အဆိုပါ အခွင့်အရေးများ၌ မိမိ ကိုးကွယ်သည့် ဘာသာ ကို သို့တည်းမဟုတ် သက်ဝင် ယုံကြည်ချက်ကို လွတ်လပ်စွာ ပြောင်းလဲနိုင်ခွင့် ပါဝင်သည့်အပြင်၊ မိမိတစ်ယောက်ချင်း ဖြစ်စေ၊ အခြား သူများနှင့် စုပေါင်း၍ ဖြစ်စေ၊ ပြည်သူ အများရှေ့မှောက်တွင် သော်လည်းကောင်း၊ ရှေ့မှောက်တွင် မဟုတ်ပဲ သော်လည်းကောင်း၊ မိမိကိုးကွယ်သော ဘာသာကို သို့တည်းမဟုတ် သက်ဝင် ယုံကြည်ချက်ကို လွတ်လပ်စွာ သင်ပြနိုင်ခွင့်၊ ကျင့်သုံးနိုင်ခွင့်၊ ၀တ်ပြုကိုးကွယ်နိုင်ခွင့်နှင့်ဆောက်တည်နိုင်ခွင့်တို့လည်းပါဝင် သည်။

အပိုဒ် (၁၉)

လူတိုင်းတွင်လွတ်လပ်စွာ ထင်မြင်ယူဆနိုင်ခွင့်နှင့် လွတ်လပ်စွာ ဖွင့်ဟဖေါ်ပြနိုင်ခွင့်ရှိသည်။ အဆိုပါအခွင့် အရေးများ၌ အနှောက်အယှက်မရှိပဲ လွတ်လပ်စွာထင်မြင်ယူဆနိုင်ခွင့်ပါသည့်အပြင်၊ နိုင်ငံနယ်နမိတ်များ ကိုထောက်ထားရန် မလိုပဲ သတင်း အကြောင်းအရာနှင့် သဘောတရားကို တနည်းနည်းဖြင့် လွတ်လပ်စွာ ရှာယူဆည်းပူးနိုင်ခွင့်၊ လက်ခံနိုင်ခွင့်နှင့် ဝေငှဖြန့်ချီခွင့်တို့လည်းပါဝင်သည်။

အပိုဒ် (၂၀)

(၁) လူတိုင်းတွင် လွတ်လပ်အေးချမ်းစွာ စုဝေးနိုင်ခွင့်နှင့် ဖွဲ့စည်းနိုင်ခွင့်တို့ရှိသည်။
(၂) မည်သူ့ကိုမျှ အဖွဲ့အစည်းတစ်ခုသို့ ၀င်စေရန်အတင်းအကျပ်မပြုရ။

အပိုဒ် (၂၁)

အပိုဒ် (၂၂)

                                     လူတိုင်းတွင် လူ့အဖွဲ့အစည်း၏ အဖွဲ့ဝင်တစ်ဦးအနေနှင့် လူမှုရေးလုံခြုံခွင့် ရယူပိုင်ခွင့်ရှိသည့်အပြင် နိုင်ငံ ရေး ကြိုးပမ်းမှုဖြင့် ဖြစ်စေ၊ နိုင်ငံတကာ ပူးပေါင်း ဆောင်ရွက်မှုဖြင့် ဖြစ်စေ၊

နိုင်ငံ အသီးသီး ၏ ဖွဲ့စည်းပုံနှင့် လည်းကောင်း၊ သယံဇာတ အင်အားနှင့်လည်းကောင်း၊

ထိုလူ၏ ဂုဏ်သိက္ခာ နှင့် စရိုက်လက္ခဏာ လွပ်လပ် စွာတိုးတက်မြင့်မားရေးအတွက် မရှိမဖြစ်လိုအပ်သော စီးပွားရေး၊လူမှုရေးနှင့်ယဉ်ကျေးမှု အခွင့်အရေးများ ကို သုံးစွဲပိုင်ခွင့်ရှိသည်။

အပိုဒ် (၂၃)

(၁) လူတိုင်းတွင် အလုပ်လုပ်ရန်လည်းကောင်း၊ မိမိနှစ်သက်ရာ အသက်မွေးမှု အလုပ်အကိုင်ကိုလွတ်လပ် စွာ ရွေးချယ်ရန် လည်းကောင်း၊ တရားမျှတ၍ လုပ်ပျော်သော အလုပ်ခွင်၏ အခြေအနေ ကို ရရှိရန် လည်း ကောင်း၊ အလုပ်လက်မဲ့ဖြစ်ရခြင်းမှ အကာအကွယ်ရရှိရန်လည်းကောင်း အခွင့်အရေးရှိသည်။
(၂) လူတိုင်းတွင်ခွဲခြားခြင်းမခံရစေဘဲ၊တူညီသောအလုပ်အတွက်တူညီသောအခကြေးငွေရနိုင်ခွင့်ရှိသည်။
(၃) အလုပ်လုပ်ကိုင်သည့်လူတိုင်းတွင်၊မိမိနှင့် မိမိ၏မိသားစုအတွက်လူ့ဂုဏ်သိက္ခာနှင့်ညီအောင်နေထိုင် စားသောက်နိုင်ရန်၊ စိတ်ချလောက်သည့်အပြင်၊ တရားမျှတ၍ လုပ်ပျော်သည့် လစာ ကြေးငွေ ရပိုင်ခွင့်ရှိ သည်။ လိုအပ်ခဲ့ လျှင် အခြားနည်းလမ်းများမှ လူမှုရေးအထောက်အပံ့ကိုလည်း ထပ်မံ၍ ရနိုင်ခွင့်ရှိသည်။
(၄) လူတိုင်းတွင် မိမိ အကျိုး ခံစားခွင့်ကို ကာကွယ်ရန် အလုပ်သမား အစည်း အရုံးများ ဖွဲ့စည်းခွင့်၊ ပါဝင် ဆောင်ရွက်ခွင့် ရှိသည်။

အပိုဒ် (၂၄)

လူတိုင်းတွင် သင့်မြတ်လျော်ကန်စွာ ကန့်သတ်ထားသည့်အလုပ်လုပ်ချိန်အပြင်၊လစာနှင့်တကွ အခါအား လျော်စွာ သတ်မှတ်ထား သည့် အလုပ်အားလပ်ရက် များ ပါဝင်သည့် အနားယူခွင့်နှင့် အားလပ်ခွင့် ခံစား ပိုင်ခွင့်ရှိသည်။

အပိုဒ် (၂၅)
(၁)လူတိုင်းတွင် မိမိနှင့်တကွ မိမိ၏ မိသားစု ကျန်းမာရေးနှင့် တကွ ကိုယ်စိတ်နှစ်ဖြာ အေးချမ်းစွာနေထိုင်နိုင်ရေးအတွက် အစာအဟာရ၊ အ၀တ်အထည်၊ နေအိမ် ၊ဆေးဝါး အကူအညီနှင့် လိုအပ်သည့် လူမှုရေး အထောက် အပံ့များ ပါဝင်သော  သင့်တော်လျှောက်ပတ်သည့် လူမှုအဆင့်အတန်းကိုရယူခံစားခွင့်ရှိသည်။ ထို့အပြင် အလုပ်လက်မဲ့ဖြစ်သောအခါ၌လည်းကောင်း၊ မကျန်းမမာ ဖြစ်သောအခါ၌လည်းကောင်း၊ ကိုယ်အင်္ဂါမစွမ်း မသန်ဖြစ်သော အခါ၌လည်းကောင်း၊ မုဆိုးမ ဖြစ်သောအခါ၌လည်းကောင်း၊ အသက်အရွယ် အိုမင်းသော အခါ၌လည်းကောင်း၊ မိမိကိုယ်တိုင်က မတတ်နိုင်သော အကြောင်းကြောင့် ၀မ်းစာရှာမှီးနိုင်သော နည်းလမ်း မရှိသောကြောင့် လည်းကောင်း၊ နေထိုင် စားသောက်ရေးတွက် လုံခြုံစိတ်ချရမှု အခွင့်အရေးရှိသည်။

(၂) သားသည် မိခင်များနှင့် ကလေးများသည် အထူး စောင့်ရှောက်ခြင်း နှင့် အကူအညီပေးခြင်းကို ရခွင့်ရှိ သည်။ ဥပဒေ အရ ထိမ်းမြားခြင်းဖြင့် ဖြစ်စေ အခြား နည်းဖြင့် ဖြစ်စေ မွေးဖွားသော ကလေး အားလုံးသည် တူညီသော လူမှုကာကွယစောင့်ရှောက်ရေးကို ရယူခံစားကြရမည်။

အပိုဒ် (၂၆)

(၁) လူတိုင်းသည် ပညာ သင်ယူနိုင်ခွင့်ရှိသည်။ အနည်းဆုံး မူလတန်းနှင့် အခြေခံ အဆင့် အတန်းများတွင် ပညာသင်ကြားရေးသည် အခမဲ့ဖြစ်ရမည်။ မှုလတန်းပညာသည်မသင်မနေရပညာဖြစ်ရမည်။ စက်မှုပညာ နှင့် အသက်မွေးမှု ပညာများကို ယေဘူယျ အားဖြင့် သင်ကြား ရယူနိုင်စေရမည်။ ထို့ အပြင် အထက်တန်း ပညာအတွက် အရည်အချင်းကို အခြေခံပြု၍ တူညီသောအခွင့်အရေးရရှိစေရမည်

(၂) ပညာသင်ကြားရေးကို လူသားတို့၏ စရိုက်လက္ခဏာ အပြည့်အ၀ တိုးတက်မှုအပြင်၊ လူ့အခွင့်အရေး နှင့် အခြေခံလွတ်လပ်ခွင့် ရိုသေလေးစားမှုတို့ကို ရှင်သန်ဖွံ့ဖြိုးလာစေရန် ရည်ရွယ်၍ သင်ကြားစေရမည်။ ပညာသင်ကြားရေးသည် နိုင်ငံအားလုံးတို့တွင်လည်းကောင်း၊လူမျိုးစုများတွင်လည်းကောင်း၊ ဘာသာရေး အသင်းအဖွဲ့များတွင်လည်းကောင်း၊ အချင်းချင်းနားလည်မှု၊ သည်းခံမှုနှင့် ခင်မင်ရင်နှီးမှု တို့ကိုအားပေးရ မည်။ ထို့အပြင် ငြိမ်းချမ်းရေးတည်တံ့အောင်ဆောင်ရွက်ရန် အလို့ငှာ၊ ကုလသမဂ္ဂ၏ဆောင်ရွက်မှုများကို လည်း ဖြစ်မြောက်အောင် အားပေးရမည်။
(၃) မိဘတို့တွင် မိမိတို့၏ကလေးများသင်ယူရမည့် ပညာအမျိုးအစားကိုရွေးချယ်နိုင်သောလက်ဦးအခွင့် အရေးရှိသည်။

အပိုဒ် (၂၇)

(၁) လူတိုင်းတွင် သက်ဆိုင်ရာ ယဉ်ကျေးမှုလောက၌ လွပ်လပ်စွာ ပါဝင်ဆောင်ရွက်နိုင်ခွင့် သုခုမပညာရပ် များကို လွတ်လပ်စွာ လိုက်စား မွေ့လျော်နိုင်ခွင့်၊ သိပ္ပံပညာ ထွန်းကားရေး လုပ်ငန်းများ တွင် လွတ်လပ်စွာ ၀င်ရောက်လုပ်ကိုင်နိုင်ခွင့် နှင့် ထိုပညာ၏အကျိုးအာနိသင်များကို လွတ်လပ်စွာခံစားသုံးစွဲနိုင်ခွင့်ရှိသည်။
(၂) လူတိုင်းတွင် သိပ္ပံမှ ဖြစ်စေ၊ စာပေမှ ဖြစ်စေ၊ သုခုမပညာမှဖြစ်စေ၊ မိမိ ကိုယ်ပိုင် ဥာဏ်ဖြင့် ကြံစည်ဖန် တီးမှုမှ ဖြစ်ထွန်းလာသည့် ဂုဏ် နှင့်ငွေကြေး အကျိုးအမြတ်များကို ခံစားရယူနိုင်ရန် အခွင့်အရေး အတွက် ကာကွယ်မှုကိုရရှိရန် အခွင့်အရေးရှိသည်။

အပိုဒ် (၂၈)

လူတိုင်းသည် ဤကြေငြာစာတမ်းတွင်ဖော်ပြထားသည့် အခွင့်အရေးများနှင့်လွတ်လပ်ခွင့်များကို အပြည့် အစုံ ရယူနိုင်သော လူမှု ဆက်ဆံရေး အခြေအနေ နှင့် အပြည်ပြည်ဆိုင်ရာ ဆက်ဆံရေး အခြေအနေတို့၏ အကျိုးကျေးဇူးကို ခံစားနိုင်ခွင့်ရှိသည်။

အပိုဒ် (၂၉)

(၁) မိမိ၏ စရိုက်လက္ခဏာ လွတ်လပ်စွာ ဖွံ့ဖြိုး တိုးတက် နိုင်သည့် တစ်ခုတည်းသော လူ့ အသိုက်အ၀န်း အတွက် လူတိုင်း၌ တာဝန်ရှိသည်။
(၂) မိမိ၏အခွင့်အရေးများနှင့် လွတ်လပ်ခွင့်များကိုသုံးစွဲရာတွင်လူတိုင်းသည်၊အခြားသူများ၏အခွင့်အရေး များနှင့် လွတ်လပ်ခွင့်များကို အသိအမှတ်ပြု၍ ရိုသေ လေးစားစေရန် အလို့ငှာ လည်းကောင်း၊ ဒီမိုကရေစီ ကျင့်သုံးသော လူ့အဖွဲ့အစည်းတွင် ကိုယ်ကျင့်တရား အပြင်၊ ရပ်ရွာ အေးချမ်းသာယာရေးနှင့် ပြည်သူ့ အ ကျိုးစီးပွားဖြစ်ထွန်းရေးတို့အတွက်၊တရားမျှတစွာကျင့်ဆောင်ရန်အလို့ငှာလည်းကောင်း၊ဥပဒေကပြဌာန်း ထားသည့် ချုပ်ချယ်မှုများဖြင့်သာ ကန့်သတ်ခြင်းခံရမည်။
(၃) အဆိုပါ အခွင့်အရေးများနှင့် လွတ်လပ်ခွင့် များကို မည်သည့် အမှုကိစ္စတွင်မျှ ကုလသမဂ္ဂ၏ ရည်ရွယ် ချက်များနှင့်လည်းကောင်း၊ အခြေခံမှုများနှင့်လည်းကောင်း ဆန့်ကျင်၍မသုံးစွဲရ။

အပိုဒ် (၃၀)

ဤကြေငြာစာတမ်းပါ အခွင့်အရေးနှင့်တကွ လွတ်လပ်ခွင့်များ ပျက်စီးရာ ပျက်စီးကြောင်းတို့ကို ရည်ရွယ်၍ နိုင်ငံတစ်နိုင်ငံအတွက် ဖြစ်စေ၊ လူတစ်စုအတွက် ဖြစ်စေ၊ လူတစ်ဦး တစ်ယောက်အတွက်ဖြစ်စေ ပါဝင်ဆောင် ရွက်ရန် အခွင့်ရှိသည် ဟုသော်လည်းကောင်း၊ကိုယ်တိုင်ဆောင်ရွက်ရန်အခွင့်ရှိသည်ဟုသော်လည်းကောင်း အဓိပ္ပယ်ပိုင်ခြား ကောက်ယူခြင်းမရှိစေရ။

( ဆက်ပါဦးမည် ) 

 Ref:

www.un.org

www.myanmarpyay.freezoka.net

အလွမ်းပြေ