အလွမ်းပြေ

သတိရနေလား..
ငြင်းဖို့ခက်ခဲ..
အတွေးထဲတော့
မင်းအမြဲ ရှိတယ်..



လွမ်းသလား...
ခေါင်းခါဖို့ မရဲ..
အလွမ်းမှုန်တွေကတော့
အလင်းမဲ့ညမှာ..
ခပ်လဲ့လဲ့ဖြာဆင်းဆဲ..

အနီရောင် စိန်ပန်းကြွေတွေကြား
ပြေးလွှားတတ်တဲ့ နင်နဲ့ငါ။
ညနေတွေဆီမှာ …
“ဝေးသွားတဲ့ အခါ”ကို
လေပြေတို့နဲ့
နှစ်ယောက်အတူဆိုဘူးတယ်။
နွေအိပ်မက်များထဲမှာဆုံဖို့
ညတွေ ဘယ်လောက် အိပ်ရဦးမှာလဲ။

အိပ်မရတဲ့ ညတွေမှာ
ပန်းအိုးထဲက ကံ့ကော်တွေက
ငါ့ကို နှစ်သိမ့်ရှာတယ်။
ချစ်သစ္စာဆိုတာ
ဒီကမ္ဘာမှာ ရှားပါးပစ္စည်း
ကုသိုလ်ကြမ္မာ
မီမှမီပါ့မလားရယ်လို့
တွေးရင်း အားငယ်မိတယ်။
သန်းခေါင်ယံ လေညင်းက
ကံကောင်းခြင်းတွေကို
ပြန်ယူဆောင်လာလေမလား
မရဲတရဲနဲ့ မျှော်လင့်ရင်း
အိုကွယ်..
ရဖူးတဲ့ အကြင်နာဆိုတာ
ခါးသီးစရာမှမဟုတ်တာ။
အိပ်မရသူနဲ့
အိပ်မက်ထဲ ရောက်မလာသူရဲ့
နွေအိပ်မက်ဟာ
ဒီလိုနဲ့…
ဒီလိုနဲ့...
တဖြည်းဖြည်း
အဆုံးမရှိ…သလိုလို
အဆုံးသတ်ခဲ့တယ်။
(အလွမ်းပြေ)
၈.၃.၂၀၁၄

လရောင်
ငွေရောင်အလင်းတန်းတွေနဲ့ ညှို့
ကိုယ့်ကို ခေါ်ဆောင်သွားပါလား
သူထားရက်ခဲ့တဲ့ နေ့တွေမှာ
ကိုယ်မှ မပျော်ရွှင်နိုင်တာ။

ပြောစရာစကားကို
ရင်မှာ မမြိုသ်ိပ်နိုင်လို့
ကြယ်တွေဆီ စကားဆို
ငိုနေမိတယ်၊

ကိုယ်တိုင်တောင်
မကြားနိုင်လောက်အောင်
ရင်ခုန်သံ တိုးတိုးသွား
အသက်ရှူများတောင်
ရပ်တန့်သွားတော့မယ်။

လှည့်ကြည့်ပါဦး
အချစ်ရယ်...။

မဆိုသာလို့..
ဒီည... ကိုယ်
လဝန်းဆီ ခရီးဆက်
ထွက်သွားတော့မယ်။

မင်းရှိတဲ့
ကမ္ဘာမြေပြင်မှာ..
ကိုယ့်အတွက်
နေစရာမလိုအောင်
အထီးကျန်လွန်း
ဒီအလွမ်းဒဏ်ကို
ကိုယ်ခံနိုင်ရည်
မရှိလို့ပါ
တို့ဝေးခဲ့ပါပေါ့
အချစ်ရယ်။

(အလွမ်းပြေ)

ဖွံ့ဖြိုးရေး ဆိုတာနဲ့ ငါ
စတော်ဘယ်ရီ ပင်အောက်မှာ ချိန်းဆိုခဲ့မိလေသလား..
ဝေဝေ ဝါးဝါး ပြန်တွေးကြည့်မိသေးတယ်။
ဘဝကို အရိုးရှင်းဆုံးနဲ့
အမှန်တကယ် ပြည့်ဝစွာနေထိုင်ဖို့
အတူ သင်ယူကြဦးစို့လို့..
ပြောရင်းနဲ့ ...
မြို့ပြ အိပ်မက်တွေကြားမှာ ..
ရင်ထဲက စိမ်းမြခြင်းတွေ
အလွှာလိုက် ကွာကွာကျ
ဖွံ့ဖြိုးရေး ညီမျှခြင်းကို ရှာရင်းနဲ့
ချိန်ခွင်လျှာတွေ လွဲလွဲနေဆဲ
ချိန်နေတဲ့  အလေးတွေကို ကြည့်မိတော့
အတ္တဆိုတဲ့ တံဆိပ်ကို တွေ့ရတာ
ငါ့မှာ အလန့်တကြား
ဇောချွေးများတောင် ပြန်လာတယ်။
ဘာပဲဖြစ်ဖြစ်
ဒီမြေ ဒီရေ ..
စိမ်းလန်းခြင်းတွေ ဝေဖို့
ငါ့ချွေးတစ်စက်က
ရေတစ်စက်
သစ်တစ်ခက်အဖြစ် ပြောင်းနိုင်ရင်
တစ်နေ့တော့
တို့ရဲ့ မြေကမ္ဘာမှာ
ဒေသခံတို့ရဲ့
ဘဝတွေ  
စတော်ဘယ်ရီသီးလေးလို
ချိုမြလာနိုင်ပါရဲ့..
မျှော်လင့်ချက်ကို ..
ငါ့နှလုံးသားနဲ့
အားယူလို့
ရှေ့ကို ဆက်ရဦးမယ်။

အချစ်က ကြိုးတစ်ချောင်းတော့ မဟုတ်ဘူး
ဒါပေမယ့် တို့နှစ်ယောက်လုံး
ရေလောင်းပေါင်းသင်မိခဲ့တဲ့ နွယ်တစ်ပင်.. ။
အဲဒီ အပင်ရှင်သန်ဖို့
တို့နှစ်ယောက်ရဲ့ နှလုံးသားကို
မြေသြဇာလို ကျွေးရလိမ့်မယ် ....။
ကဲ မင်းမှာ သတ္တိရှိရဲ့လား
နှလုံးသားမပေးနိုင်တော့တဲ့နေ့..

photo by TAL location : Northern Chin State ( Hakhar )

နေခြည် အသွေး
ခပ်ရေးရေး အရိပ်
လေယူ ဆောင်ရာ.. 
အဝေးဆီကို ..
စိတ်နဲ့ ပျံသန်းဖူးရဲ့
ယိမ်းနွဲ့ လို့ရီဝေ ..။

အလွမ်းပြေ

မိုးနေ့ ...

အေးစက်တဲ့ နေ့
မိုးနဲ့လေ တိုးဝှေ့လို့
ခပ်ယဲ့ယဲ့ နှလုံးသားမှာ
နာကျင်နေရှာတယ်။
ဒါပေမယ့်..
ပျော်ရွှင်ခြင်းဆိုတာ
နေရောင်ခြည်နဲ့အတူ
ရောက်လာလေမလား
ခပ်ပါးပါး မျှော်လင့်လို့
အားတင်းထားရဲ့။

အလွမ်းပြေ

လွင့်

တိမ်လို လေလို
ပါးပါးလေး.... လွင့်
ကြိုးပေမယ့် 
မနှောင်မိခဲ့ဘူး ....လွင့်
ဆုံမှတ်ဆိုတာ ..
မရှိပါဘူး.....
ကိုယ့် ဖြစ်တည်မှုအတိုင်း.... လွင့်..

အလွမ်းပြေ

အကြင်သူ
နှလုံးသား နာဖျားနေရှာတယ်။ 

ဦးနှောက် အတွေး
မျက်စိ အမြင်
နှလုံးသား အချစ်
လျှာဖျား စကား
နှုတ်ခမ်း အပြုံး
ယုံတမ်း ပုံပြင်

လှည်စားခြင်း မာယာနဲ့
အထီးကျန် တိမ်တိုက်
ယိမ်းနွဲ့ပါး ဓါးသွားနဲ့
နွယ်တစ်ပင်
ပြတ်ရွေ့ခြင်းနဲ့
မီးတောင် ချှော်ရည်ပူ


ဒီကမ္ဘာမှာ
မျှော်လင့်ခြင်းဆိုတာ
ကြည်လင်ခြင်း ကောင်းကင်ပြာပြာ
ပျော်ရွှင်ခြင်း နေခြည်နွေးနွေး
ချိုမြိန်ခြင်း ပန်းသီးလေး
ဖြူစင်ခြင်း စံပယ်ပွင့်ဝေ


တကယ်တော့
အစစ်အမှန်ဆိုတာ အတုအယောင်ပဲလို့
သူသိသွားတဲ့တစ်နေ့ကစ
ကုရာနတ္ထိ ဆေးမရှိ
သေဆုံးမယ့် ရက်ကို စောင့်ရင်း..
တမြေ့မြေ့လွမ်းရင်း...ကြွမ်းရင်း..
နားမလည်မှုများကို စာဖွဲ့..


အကြင်သူ၏
နှလုံးသား နာဖျားနေတယ်။ 

အလွမ်းပြေ

အလွမ်းပြေ

Blingify.com - Wood Backgrounds

လာလေသွားစို့ 
တို့နှစ်ယောက်အတူ
ဟိုးအဝေးက လမ်းတွေဆီ...