အလွမ်းပြေ

~~ ပြောင်းလဲတတ်တဲ့ လောကကြီးမှာ သူလေအရေးပါ မရှိကြောင့်မို့ အရေးထားကြတာ သူ့တစ်ယောက်ကိုပါ လူသားအားလုံး ပါးစပ်ဖျားမှာ သူလေ ရှိတာ ... စိုးမိုးခြင်းနဲ့ သိမ်းပိုက်မင်းမူ သွားခဲ့ပြီကွာ.. သဝေထိုး င ရဲ့ ဝဆွဲ... ငွေ... ရေး...ရေး.. ~~ 

ကျွန်မ မငွေခင်

ငွေအကြောင်း စဉ်းစားမိတိုင်း ခင်ဘုဏ်းရဲ့ ငွေ သီချင်းကို ပြေးသတိရမိပါတယ်။ ကျွန်မ ကိုယ် ကျွန်မ ပြန်ကြည့်တော့ .. ပြောတော့ ငွေကို သိပ်မမက်ဘူး... မမက်ဘူး။ လူမချမ်းသာချင်ဘူး၊ လူတန်းစေ့ယုံပေါ့.. စိတ်ပဲချမ်းသာ ချင်တယ် ဒါကြောင့် ငွေနောက်တော့ ဘယ်တော့မှ မလိုက်ဘူး ပါးစပ်က တတွတ်တွတ် ရွတ်ရင်း ငွေရှာနေရပါတယ်။ ငွေအတွက် ပူပင်ရတဲ့ အချိန်တွေလဲ ရှိလာပြန်ပါတယ်။ ငွေနဲ့ပတ်သက်ပြီး အကြောင်းတစ်ခုခုပေါ်လို့ ကူညီလိုက်ချင်တယ်၊ သုံးလိုက်ချင်တယ် ၊ ပေးလိုက်ချင်တယ် စိတ်ထဲမှာ ဖြစ်လည်း စိတ်သွားတိုင်း ကိုယ်မပါနိုင်ရင် ငွေကြောင့် စိတ်မကောင်း ဖြစ်ရပြန်တယ်။ ဒါတင်မက မထင်မှတ်တဲ့ ငွေထွက်ပေါက်တွေ ပေါ်လာတိုင်း စိတ်ညစ်ရသလို မထင်မှတ်တဲ့ ငွေတွေ ဝင်လာတိုင်း ပျော်ရွှင်ရပြန်တယ်။ အော် တတ်လည်း တတ်နိုင်တဲ့ ငွေ နောက်တနည်း ခေါ်ကြတဲ့ ပိုက်ဆံ။ ကိုယ့်ဘဝကို သူက ထိန်းချုပ်ဖို့ တချိန်လုံး အကွက်ရှာ နေပါလား။

ငွေဆိုတာ ဂုဏ်ကို ခေါ်တယ် ဆိုတာတွေ ခဏ ဘေးချိတ်ထား လူတန်းစေ့ဘဝမှာ ငွေအတွက် မပူမပင်တော့ နေချင်တယ်။ ဒါကျွန်မ သဘောထား အမှန်ပါပဲ။ ပြောတော့ လူမှုရေးသမား၊ ဖွံ့ဖြိုးရေး လုပ်မယ်ပြောပြီး အဆင်းရဲ မခံနိုင်ဘူးလားလို့ မေးရင် ဟုတ်ပါတယ်လို့ ကျွန်မတော့ အမှန်ကို ဖြေရဲပါတယ်။ 

ကျွန်မမှာ အကြောင်းပြချက်ရှိပါတယ်။ ကျွန်မ ဘဝမှာ တာဝန်သိသူ ကျေပွန်သူ တစ်ယောက် ဖြစ်ချင်တယ်။ ဥပမာ- မဖွံ့ဖြိုးတဲ့ ဒေသက ကလေးတွေအတွက်  စေတနာထားတဲ့ ကျောင်းဆရာအဖြစ် အရိုးထုတ်ပြီး အိမ်က မိသားစု ထမင်းမဝ၊ မွေးထားတဲ့ ကလေးတွေရော ယူထားတဲ့ မိန်းမရော စိတ်ဆင်းရဲရတာ တရားပါရဲ့လား။ သူက ပီတီစား တစ်သက်လုံး သေတဲ့အထိ ဂုဏ်ယူပေမယ့်  နောက်က မိသားစုရဲ့ ရှေ့ရေးက ဝေဝါးနေရင် ကျွန်မတော့ အဲလို လူကို သူရဲကောင်းလို့ မသတ်မှတ်နိုင်ဘူး။  အဲလိုလုပ်နိုင်ပြီး မိသားစုကိုလည်း ကောင်းကောင်း စောင့်ရှောင့်နိုင်တဲ့ သူဆိုရင် ကျွန်မ တကယ် အားကျမိမှာပါ။ လူမှုရေးတွေချည်း လုပ်ရင်း တကယ်လည်း အငတ်မခံနိုင်တဲ့ အခါ လူမှုရေး  လုပ်စားတဲ့ လူမှုရေး လုပ်ငန်းရှင်ကြီး ဖြစ်လာမှာကိုလည်း ကျွန်မကို ကျွန်မ မလိုလားဘူး။
အဲလိုမဖြစ်ရအောင် ကိုယ့်ဝါသနာနဲ့လည်း ရှင်သန်နိုင်အောင်၊  ကိုယ်နေချင်တဲ့ အခြေအနေနဲ့ ကိုက်ညီနိုင်အောင် ဝါသနာနဲ့ အသက်မွေးဝမ်းကြောင်းတော့ ကွဲကွဲပြားပြား ဖြစ်အောင် လုပ်ရတော့မယ်လို့ ကျွန်မ ခံယူထားပါတယ်။

မာနမင်းသမီးရဲ့ ဘဝ သင်ခန်းစာ

ကျွန်မ ငယ်ငယ်ကတည်းက အိမ်မှာ အမေရဲ့စာအုပ်ပုံ၊ ဦးလေးသုံးယောက်ရဲ့ စာအုပ်ပုံ ထဲမှာ ကြီးခဲ့ရတော့  စာအုပ်တွေရဲ့ လွမ်းမိုးမှုကြောင် ထင်ပါရဲ့  ဆယ်တန်းအောင်တာနဲ့ အလုပ်လုပ်မယ် ကိုယ့်အားကိုယ်ကိုးမယ်။ ကိုယ့်ပိုက်ဆံပဲ ကိုယ်သုံးမယ် လုပ်ပြီး အတိုက်အခံလုပ် အလုပ်လုပ်ခဲ့တာ အခုအချိန်အထိ အလုပ်မရှိတဲ့ အချိန်ဆိုတာ မရှိသလောက်ဘဲ။ အချိန်ပြည့် သင်တန်းတက်ချိန် နဲနဲက လွဲလို့။

အိမ်ကနေ ဆယ်တန်းအောင်ချိန်ကနေ ခုထိ မုန့်ဖိုးမတောင်းခဲ့ပေမယ့် အလုပ်လက်ရှိလုပ် နေပေမယ့်  တစ်ခါတစ်ခါ  ဘာလို့ လိုငွေတွေ ပြနေရတာလဲလို့ ကျွန်မကို ကျွန်မ ပြန်မေးမိပါတယ်။ 

ကျွန်မအတွက် လိုငွေပြမှု ဘဝ သင်ခန်းစာအတွက် အကြောင်းအရင်း အဖြေက 

 ၁။  ငွေသုံးစွဲမှုစနစ် 

၂။ စုဆောင်းကျင့်မရှိမှု 

၃။  စိတ်မနိုင်မှု ဆိုတဲ့
သုံးချက်ကို သွားတွေ့ပါတယ်။ 

 ကျွန်မ ဒါတွေကို မပြင်ဆင်နိုင်ရင် အနာဂတ်မှာ ဒီထက်ခက်ဖို့ပဲ ရှိတော့မယ်ဆိုတာ ကျွန်မ သဘောပေါက်တွေ့ရှိလာပါတယ်။ ကျွန်မ အနာဂတ်မှာ ငွေအတွက် ပူပင်မနေရဖို့  ဒါတွေကို မပြင်ရင် မရတော့ဘူးဆိုတာ သိလာပါတယ်။ အကြွေးဆိုတဲ့ ချောက်ထဲ မရောက်ဖို့ ဘဝမှာ အရေးကြီးပါတယ်။ မဟုတ်ရင် ဘဝရဲ့ အေးချမ်းမှုပျောက်ပြီး ပူပင်သောကတွေကြားမှာ နစ်မြှုပ်သွားပါလိမ့်မယ်။

ဘဝမှာ ငွေရှာဖို့ သက်သက် ကျွန်မ အသက်မရှင်ရဖို့ သူ့ကို ကျွန်မ ဇက်ကြိုးကိုင်နိုင်ဖို့ ကြိုးစားရပါတော့မယ်။

ဇက်ကြိုး (သို့) အကျင့်

ဇက်ကြိုးကိုင်ဖို့ အသေအချာ လိုက်ရှာလိုက်တော့မှ အဲဒီ ဇက်ကြိုးဟာ ကိုယ်ကိုကိုယ်တိုင် ဖြစ်နေပါတယ်။ တနည်းအားဖြင့် ကိုယ့်ရဲ့ အကျင့်တို့ဆိုတာ သေချာတွေ့လိုက်ရပါတယ်။ အဲဒီတော့ ကိုယ်ဘယ်လို အကျင့်တွေကို ကျင့်မှ ဇက်ကြိုးကို ကိုင်နိုင်မလဲ ဆိုတော့ ..

• ငွေတန်ဖိုးသိတဲ့ အကျင့်
• ငွေရှာတတ်တဲ့ အကျင့်
• သုံးတတ်တဲ့ အကျင့်
• စုဆောင်းတတ် တဲ့ အကျင့်

ငွေတန်ဖိုးသိတဲ့ အကျင့်။ ။ ငွေမရှိရင် တွေ့ရတဲ့ ဒုက္ခ နဲ့ ငွေကို ကိုယ်တိုင်ရှာဖူးမှ ငွေတန်ဖိုးကို သိပါမယ်။ ကိုယ်တိုင်ရှာတဲ့ သူတွေလည်း သိပေမယ့်  စိတ်ရဲ့အလိုကို လိုက်ရင်း နောက်မှ နောင်တရတတ်တဲ့ သူတွေလည်း တွေ့ရတာကြောင့် ငွေရဲ့ တန်ဖိုးကို ခေါင်းထဲ အမြဲ ထည့်ထားဖို့ လိုပါလိမ့်မယ်။

ငွေရှာတတ်တဲ့ အကျင့်  ။ ။ ငွေဘာလို့ ရှာလည်းဆိုရင် အဖြေအမျိုးစုံ ထွက်လာပေမယ့် အရင်းစစ်လိုက်ရင် သုံးဖို့ပါ။ ထွက်ဖို့ လိုအပ်တဲ့ ငွေရှိလို့ ဝင်ငွေရှာတာပါ။ အဲဒီတော့  ကိုယ့်ဝင်ငွေကို ထွက်ငွေနဲ့ ကိုက်အောင် နည်းလမ်းတကျ ရှာဖွေနိုင်အောင် ကြိုးစားကျင့်ရပါလိမ့်မယ်။

သုံးတတ်တဲ့ အကျင့် ။  ။ ဝင်ငွေကို အခြေခံပြီး လုံလောက်အောင် အသုံးနဲ့ အဖြုန်းကို ခွဲခြား သိရှိနားလည်ပြီး သုံးစွဲတတ်ဖို့ လိုပါတယ်။ ကိုယ်ရဲ့ အခြေခံ မရှိမဖြစ် သုံးဖို့ လိုအပ်တာအတွက် အရင်သုံးပြီး မှ  လိုချင်တာအတွက်ကိုဘယ်လိုသုံးမလဲ ဆိုတာ သိပြီး စနစ်တကျ သုံးစွဲတတ်ဖို့ လိုအပ်ပါမယ်။

စုဆောင်းတတ် တဲ့ အကျင့်။ ။ မထင်မှတ်တဲ့ ထောင့်ကနေ ဝင်လာပြီး အငိုက်ထိုးစစ်ဆင်တတ်တဲ့ မမြင်ရတဲ့ ဘေးအန္တရယ်နဲ့ လောကဓံကြားမှာ လူတွေ အသက်ရှင်နေရတာကို မမေ့လျှော့ရင် လိုငွေပြမှု ၊ အကြွေးတင်မှုတွေ ဆိုတာတွေကလည်း မထင်မှတ်ဘဲပေါ်လာတဲ့  မဖြစ်မနေ သုံးစွဲစရာတွေ အတွက် သုံးရလို့ ပေါ်လာတာတွေပါ။ အဲဒီအတွက် မပြေးသော်လည်း ကန်ရာရှိအောင် စုဆောင်းငွေဆိုတာ လိုပါတယ်။ သေရေးရှင်ရေးဖြစ်တဲ့ ကျန်းမာရေးတို့အတွက်အပြင် ဘဝအနာဂတ်တွက် ငွေစုဆောင်းထားတတ်ဖို့ လိုအပ်ပါလိမ့်မယ်။ ဒါကြောင့် ဘာပဲဖြစ်ဖြစ် လစဉ် ဝင်ငွေရဲ့ ဘယ်လောက်ရာခိုင်နှုန်းကို ဆက်ဆက် စုမယ် ဆိုတာကို ရအောင် ကျင့်ဖို့လိုမယ် ထင်ပါတယ်။

အကျင့်ဖြစ်ဖို့ စနစ်

ကိုယ်ဘယ်လောက်ဝင်လို့ ဘယ်လောက်သုံးတယ် ဆိုတာ မသိဘဲ အပေါ်က ပြောတဲ့ အကျင့်တွေကို ဘယ်လိုမှ ကောင်းအောင် ကျင့်နိုင်မှာ မဟုတ်ပါဘူး။ ဒါကြောင့် လူတွေတိုင်းမှာ ကိုယ့် ဝင်ငွေနဲ့ အသုံးစရိတ်၊ စုငွေ၊ အကြွေး စတဲ့ အခြေအနေတွေကို ထိန်းချုပ်နိုင်ဖို့ ကိုယ်ရလောက်တဲ့ ဝင်ငွေ၊ သုံးစွဲရမှာတွေ၊ စုဆောင်းထားသင့်တဲ့ ပမာဏနဲ့ ဆပ်ဖို့ရှိတဲ့ အကြွေးတွေကို ခန့်မှန်းတွက်ချက်ပြီး  ကိုယ့်ရဲ့ရသုံး မှန်းခြေ ငွေစာရင်း Personal Budget  လေးလုပ်ထားသင့်ပါတယ်။ ဒါမှ ကိုယ့်အခြေအနေ ကိုယ်သိပြီး ဆင်ခြင်လို့ရပါမယ်။

ကိုယ့်ရဲ့ရသုံး မှန်းခြေ ငွေစာရင်း Personal Budget  ဘယ်လို ဆွဲမလဲဆိုတာကတော့ တစ်ယောက်နဲ့ တစ်ယောက် မတူလောက်ပါဘူး။ အခြေခံတူညီနိုင်တာတွေက အဓိက စားဝတ်နေရေး နဲ့ အခွန်ဆောင်ရန်ပါ။ (အခွန်က ကျွန်မတို့ မြန်မာနိုင်ငံသားတွေနဲ့ စိမ်းနေပေမယ့် နီုင်ငံသားတိုင်း မဖြစ်မနေ ပေးဆောင်ရမယ့် အရာမို့  ထည့်ကို တွက်ရမယ့် အရာပါ) အဲဒီအပြင် ကျန်းမာရေး၊ ပညာရေး၊ ဖျော်ဖြေရေး စရိတ်တွေပါ။ ကိုယ့်ရဲ့ လိုအပ်ချက်(Need) နဲ့ လိုချင်မှု(Want) ကို ခွဲခြားပြီး  နားလည်အောင် ကြိုးစားပြီး အရေးကြီးအဆင့်တွေကိုသတ်မှတ်ထားရင် ဝင်ငွေနဲ့ ထွက်ငွေ မလုံလောက်မှုမရှိအောင် ထိန်းကျောင်းနိုင်ပါလိမ့်မယ်။

စိတ် 

စကားလုံး တစ်လုံးထဲနဲ့ သူ့ကို ထိန်းဖို့ တော်တော် ခက်ပါတယ်။ လူတိုင်းမှာ အားနည်းချက် ကိုယ်စီရှိပါတယ်။ ကျွန်မရဲ့ အားနည်းချက်ကို ပထမဦးဆုံး စာပိုဒ်မှာ ရှာဖွေ တွေ့နိုင်ပါတယ်။ တာဝန်ကျေချင်တဲ့ စိတ်ပါပဲ။ ဟုတ်ပါတယ်။ လူတိုင်းမှာ စွမ်းဆောင်နိုင်တဲ့ အတိုင်းအတာ (Limit) ရှိပါတယ်။ ကျွန်မရဲ့ ကိုယ်လုပ်နိုင်တဲ့ အတိုင်းအတာထက် ပိုပြီး တာဝန်ကျေချင် လုပ်ပေးချင်တတ်တဲ့ စိတ်ကြောင့် ကျွန်မကိုယ် ကျွန်မရော၊ သူများကိုပါ ဒုက္ခပေးတတ်ပါတယ်။
ကိုယ်ဆွဲထားတဲ့ Personal Budget ထဲက အပိုအလိုမရှိတာသိရဲ့နဲ့ မိဘအတွက် ကိုယ်တတ်နိုင်သလောက် ဖြည့်ဆည်းပေးပြီးတာတောင် ထပ်ပြီး မိသားစုဝင်တွေက တစ်ခုခု ထပ်ပြီး တောင်းဆိုလာ ရင် မလုပ်ပေးဘဲ မနေနိုင်ဖြစ်ပြန်ရော၊ နောက်ကိုယ်လိုအပ်မှာ သိရဲ့နဲ့ ကိုယ့်မိတ်ဆွေတစ်ယောက်ယောက် များလိုနေရင် ချေးလိုက်ပြန်ရော၊ အကူအညီတောင်းလာရင် ပေးလိုက်ချင်ပြန်ရော၊  လူမှုရေး အသုံးစရိတ် အတွက် Budget ထည့်ထားလည်း ကိုယ်တကယ် လုပ်ပေးချင်တာနဲ့ အဆမတန် ကွာနေပြန်ရော။
အဲလို မနိုင်ဝန်တွေကိုစိတ်မနိုင်ဘဲ ထမ်းတဲ့ ဘေးထွက် ဆိုးကျိုးက ကိုယ်တိုင်ဆွဲထားတဲ့ Personal Budget ကို ကိုယ်တိုင် မလိုက်နာနိုင်၊ ချေးမိလို့  သူများက ပြန်မပေးနိုင်တဲ့အခါ တောင်းရတော့ နှစ်ဦးကြား မျက်နှာပူရ၊ မိတ်ဆွေပျက်ရ၊ သူလည်း အရှက်ရ ကိုယ်လည်း ဒုက္ခရောက်။ ပူဆာတိုင်း ရကျင့်ပါနဲ့ သူတွေကလည်း ပူဆာလို့ မရရင် စိတ်ကောက်ငြိုငြင်နဲ့ ပြောမဆုံးနိုင်အောင်ပါပဲ။ စေတနာပေမယ့် တကယ် ဖန်တီးမိတာ နှစ်ဘက်လုံးအတွက် ရလာဒ်က ဝေဒနာတွေ ဖြစ်နေတာ တွေ့ရပါတယ်။
ကိုယ့်ကိုကိုယ် သူများအတွက် လိုအပ်တာထက် ပိုကောင်းသူကြီးလို့ ပြောချင်တာမဟုတ်ပါဘူး သူများအပေါ် ကောင်းရတာကို နှစ်သက်ပြီး အဲဒီကျေနပ်မှုကို ကိုယ့်စိတ်ထဲကနေ ဘိန်းလိုစွဲနေတဲ့ တနည်းအားဖြင့်  သူများက ကျေးဇူးတင်တာ ချီးကျူးတာကို သာယာတဲ့စိတ် လိုတာထက်ပိုတဲ့ ဂုဏ်ယူလိုစိတ်လို့ပဲ ထင်ပါတယ်။ ဘယ်အရာမှ လိုတာထက် ပိုတာဟာ ရည်ရှည်မှာ မကောင်းနိုင်ဘူး မဟုတ်လား။
ဒါတောင်တခြား မြင်မြင်သမျှ ဝယ်ချင်၊ မြင်မြင်သမျှ စားချင်၊ Discount တွေ့သမျှ စိတ်ဝင်စား ဆိုတဲ့ သူတွေထဲမှာ ကျွန်မ မပါတာကိုပဲ ကိုယ့်ကိုကိုယ် ကျေးဇူးတင်ရမလို ဖြစ်နေပါတယ်။ လူတိုင်းလည်း  ကျွန်မလိုပဲ ကိုယ် ဘယ်လိုနေရာမျိုးမှာ ငွေကို လိုအပ်ထက် ပိုသုံးလိုက်တတ်တဲ့ အားနည်းချက် ရှိလည်း ဆိုတာ သိဖို့ လိုအပ်မယ် ထင်ပါတယ်။
ကျွန်မ အနာဂတ်မှာ ကိုယ့် အခြေခံလိုအပ်ချက်တွေ ပြည့်စုံပြီး  ငွေအတွက် မပူပင်ရတဲ့သူဖြစ်ချင်တယ်။ ဒါမှ ကိုယ်လုပ်ချင်တဲ့ လူမှုရေးအလုပ်ကိုလည်းလုပ်ရင်း ၊ ကိုယ့်ပတ်ဝန်းကျင်အပေါ်လည်း  ကိုယ်နိုင်သလောက် တာဝန်ကျေပြီး လူပီသတဲ့ စိတ်ချမ်းသာတဲ့၊ အေးချမ်းတဲ့ ဘဝကို လိုချင်တယ်လေ။ စနစ်မကျရင် အနာဂတ်လှဖို့ မလွယ်ဘူး မဟုတ်လား။
အဲဒီတော့ အဓိကအချက်ဖြစ်တဲ့ ကိုယ်ဆွဲထားတဲ့ Personal Budget ကို ကိုယ်စွဲစွဲမြဲမြဲ အလေးထားတဲ့ စိတ်နဲ့ ကိုယ့်အားနည်းချက်ကို ကိုယ်သိပြီး ပြင်ဖို့ စိတ်ကို ထိန်းနိုင်ဖို့ ကျင့်ရပါဦးမယ်။

ခင်မင်စွာဖြင့်
အလွမ်းပြေ