အလွမ်းပြေ

ကျွန်မတို့  ငယ်ငယ်က သင်ဖူးတဲ့ ကဗျာလေးကို အမှတ်ရမိပါတယ်။ မ၀ယ်ဖူးမယ်ခူးတဲ့ဖက်စို မီးမကူ နေပူမှာမကင်အားလို့ ထားရတယ် အိပ်ရာအောက်မှာ မင်းသောက်ဖို့ကို ဆိုတဲ့ ခံစားမှု ကဗျာလေးကို သတိရမိပါတယ်။ မိန်းမပျိုလေး တစ်ယောက်က သူ့ချစ်သူ သောက်ဖို့ ဆေးလိပ်ကို ကိုယ်တိုင် လိပ်ပေးတဲ့အကြောင်း လေးပါ။ ချစ်စရာကောင်းလှသလို သူ့ချစ်သူကို သူဘယ်လောက် ချစ်သလဲ၊ တမြတ်တနိုး အလေးထားသလဲ။ သတိတရ ရှိလိုက် သလဲ ဆိုတာကို ကဗျာလေးက ဖော်ပြနေပါတယ်။

ကိုယ်ချစ်ခင်တဲ့သူတွေကို အမှတ်တရလက်ဆောင်လေးတွေ ပေးတတ်တာ အစဉ်အလာ တစ်ခုလိုပါပဲ။   အခု ဒီဇင်ဘာလထဲမှာ ဆိုရင် ခရစ္စမတ်၊ နှစ်သစ်ကူး၊ နောက်ပြီးရင် ဖေဖော်ဝါရီ ချစ်သူများနေ့ လာဦးမှာပါ။ ရုပ်ဝတ္တုပစ္စည်းတွေထွန်းကားလှတဲ့  ဒီအချိန်အခါမှာ ပိုက်ဆံများရှိရင် တစ်ကမ္ဘာလုံးကို ပတ်ပြီး စိတ်ကြိုက်ဝယ်ပေးလို့ရပါတယ်။ ဒါပေမယ့် အဲဒီ ဝယ်လို့ ရသမျှဟာ တခြားသူတွေလည်း ဝယ်လို့ရနိုင်တဲ့ ပစ္စည်းတွေပါပဲ။ တကယ်ပဲ ကိုယ့်ချစ်သူ ခင်သူတွေကို အမှတ်တရလေး ဖြစ်စေချင်ရင် ကိုယ်တိုင် အားထုတ်မှုနဲ့ ကိုယ်တိုင်ပြုလုပ်ပေးတဲ့ လက်ဆောင် ကတော့ ကမ္ဘာပေါ်မှာ တစ်ခုတည်းပဲဖြစ်မှာပါ။ အဲဒီကြောင့် ကိုယ်ပိုင်စိတ်ကူးလေးနဲ့ ဖန်တီးထားတဲ့ လက်ဆောင်လေးတွေ အကြောင်း ပြောပြချင်တဲ့ စိတ်ကူးလေးပေါ်လာလို့ ဒီပို့စ်လေးကို ရေးဖြစ်ပါတာပါ။


ကိုယ်ပိုင်စိတ်ကူးလေးနဲ့ ကိုယ်အိမ်မှာပဲ ရိုးရိုးရှင်းရှင်းနဲ့ လှပတဲ့ လက်ဆောင်လေးတွေကို လုပ်လို့ရပါတယ်။ ဒါအပြင် အဲဒီလို လက်ဆောင် ပစ္စည်းလေးတွေကို ပြုလုပ်တဲ့အခါ recycle လုပ်နိုင်ဖို့ စိတ်ကူးလေးပါ ထည့်ပေါင်းလိုက်ရင် ကိုယ်တိုင်လည်း မကုန်သင့်တဲ့ ငွေလည်း မကုန်ရသလို ကမ္ဘာကြီးကိုလည်း ကယ်တင်ပြီးသား ဖြစ်မယ်။ ကိုယ့်လက်ဆောင် ပစ္စည်းလေးကလဲ ဘယ်မှာမှ ဝယ်လို့မရတဲ့ ကိုယ်တိုင်လုပ်ထားတဲ့ ပစ္စည်းလေးမို့ လက်ဆောင်ရတဲ့ သူကလည်း ဝမ်းသာမဆုံး ဖြစ်ဦးမယ် ဘယ်လောက်ကောင်းလိုက်သလဲနော်။ 


Green Handmade gifts စိတ်ကူးမှာ ကျွန်မ လုပ်လေ့လုပ်ထရှိတာက Greeting Cards လေးတွေပါပဲ။ Photo Frame လေးတွေပါ။ အအရမ်းကို လွယ်ပါတယ်။ မှတ်မှတ်ရရ နာဂစ်ဖြစ်ပြီးကာစက ဒုက္ခသည်တွေအတွက် ရန်ပုံငွေရှာဖို့ ကျွန်မနဲ့ ကျွန်မ သူငယ်ချင်းတွေ အဲဒီလို ကတ်လေးတွေ လုပ်ရောင်းပြီး Fund ရှာခဲ့ကြပါတယ်။ သိပ်ကို ရိုးရှင်းပြီး လွယ်ကူလှပါတယ်။ ကိုယ့် ပတ်ဝန်းကျင်မှာ အလွယ်တကူဝယ်လို့ရနေတဲ့ A4 စာရွက်ရောင်စုံတွေ၊ နောက် တခြား ကိုယ်ကြိုက်တဲ့ စာရွက်အသား၊ ကိုယ့်ပတ်ဝန်းကျင်မှာ ရှိတဲ့ အထဲက စိတ်ကြိုက်ဖြစ်တာနဲ့ လုပ်လို့ရပါတယ်။ recycle ပစ္စည်းလေးတွေလည်း လုပ်လို့ရပါတယ်။ အဓိက က  အိုင်ဒီယာပါ။ Greeting cards လုပ်မယ်ဆိုရင်  အလွယ်ဆုံးက A4 စာရွက်ကို လေးခေါက်ခေါက်၊ တစ်ဝက်ပဲ ပိုင်းပိုင်း၊ လေးခေါက်လုံးပဲ ယူယူ အခြေခံ ကတ်ပုံစံပေါ်ပါပြီ။ ကတ်ကို သင့်စိတ်ကြိုက် အိုင်ဒီယာလေးတွေနဲ့ အဆင့်ဆင့် ပုံဖော်သွားယုံပါ။
  
ပုံလေးတွေနဲ့ ပြပါ့မယ်။ ကျွန်မ အခန်းထဲမှာ လှည့်ပတ်ပြီး အသုံးပြုလို့ ရနိုင်လောက်တဲ့ ပစ္စည်းတွေ ရှာပါတယ်။ Magazine အဟောင်းတွေ၊ ကူပွန်၊ လိပ်စာကတ်၊ လက်ကမ်းစာစောင်၊ ဘူးခွံ နဲ့ အခုလို နှစ်ကုန်ကာနီးဆိုတော့ အသုံးမဝင်လောက်တော့တဲ့ Calender တွေ စတဲ့ မျက်စိထဲ လှပြီး ကိုယ်သုံးလို့ ရမယ့် ဟာတွေပေါ့ ။ 

ရှာလို့ရသမျှ ဒီမှာပါ.. 


 အဲဒီနောက်တော့ ဒီရှာသမျှ ပစ္စည်းတွေနဲ့ ဘယ်လို လှအောင် လုပ်မလဲ အိုင်ဒီယာ ရအောင်  အင်တာနက်ပေါ်မှာ ဒီဇိုင်းလေးတွေ ဟိုရှာ ဒီရှာ လုပ်ကြည့်တာပေါ့


 ပြီးတော့ .. နှစ်ကုန်ကာနီးမို့ Calender တွေ အသုံးမလိုတော့မယ့် တူတူ ဓါတ်ပုံ stand လေးနဲ့ Calender အသစ်လေး လုပ်ဖို့ စိတ်ကူးရတယ်။  
ပထမဆုံး Calender ကို ဒီဇင်ဘာလ တစ်ရွက်ကို ဖယ် ၊ နံရံမှာ ကပ်ပြီး ယူလိုက်ပါတယ်။ 





နောက်ပြီး ဘယ်လို လုပ်ရင် အကောင်းဆုံး ဖြစ်မလဲ ဆိုတာ သေချာ ကြည့်လိုက်ပြီး အထဲက စာရွက်တွေ ဖယ်ရင် တစ်ရွက်ချန်ထားပြီး အဲဒီ အရွက်ကိုပဲ နောက်ခံအဖြစ် သုံးမယ်လို့ ဆုံးဖြတ်လိုက်တယ်။





ဘာလို့လဲ ဆိုတော့ ဓါတ်ပုံနေရာကို  ဖြတ်ထုတ် လိုက်ပြီးရင် ဘောင်ကွတ် ထားသလို ဖြစ်သွားမှာ မို့ပါ။ အောက်မှာ ဆက်ကြည့်ပါ ။











ဓါတ်ပုံနေရာကို ဖြတ်ထုတ်လိုက်ပြီး။ Double Tape နဲ့ ငြိမ်သွား ကပ်လိုက်တယ်။







 X'mas အတွက် ဆိုတော့ အစိမ်းရောင်လေး ပါအောင် ဘောင်ကို မော်ဒယ်စိမ်းလို့ ခေါ်မလား။ High light Maker နဲ့ပဲ ချယ်လိုက်တယ်။






 ဒါက မထင်မှတ်ပဲ ထွက်လာတဲ့  KFC က ပေးတဲ့ နှစ်သစ်ကူး ကူပွန်တွေ ထည့်တဲ့ ကာဗာ ။ အဲဒီက စာသားကို ယူသုံးမယ်။









 ဒီနှစ်အတွက် ဆိုတော့ စာလုံး တစ်လုံးကို ပြင်ရမှာပေါ့..










 ဒီလိုလေး ဆိုတော့ ပြောင်းမယ့် နှစ်ကို ဟိုက်လိုက်  လုပ်ထား သလိုလေး ဖြစ်သွားတာပေါ့










 ဒီ ပီကေခွံ လေးက စိမ်းစိမ်းလေး ဆိုတော့ x'mas tree လေး မဖြစ်နိုင်ဘူးလား








ဒါက သစ်ပင်ရဲ့  ပင်စည်လေး




ကဲ... ဒီလို လေး








သစ်ပင်လေးရဲ့ ထိပ်မှာ ကြယ်လေး လိုချင်တယ်။


ဒါကလည်း ကံကောင်းထောက်မစွာ ထွက်လာတဲ့ ကတ်အဟောင်း ပေါက်စကလေး။






 ရွှေရောင်ကြိုးလေးကို ဖြတ်အထုံးလေးလုပ် သစ်ပင်လေးရဲ့ ထိပ်မှာ တပ်လိုက်တယ်။ ကျန်တဲ့ အရုပ်လေးကို ဘေးသားတွေ ညှပ်ပြီး ကပ်လိုက်တယ်။ ဘောင်လေးတွေပါ ကပ်လိုက်တယ်။ နောက်ပြီး ဓါတ်ပုံလေးကို အသည်းပုံလေးလုပ်ပြီး ကပ်လို့ရပြီပေါ့။ နောက်တစ်ဖက်မှာ တစ်မျက်နှာစာ နှစ်သစ် Calender လေးပါ လိုချင်ရင် ရှာကပ်လိုက်လို့ ရပါသေးတယ်။ 







နောက်ထပ် ဒီဇိုင်းလေး နှစ်ခုလောက်လည်း ဆက်ပြီး လုပ်ပြပါဦးမယ်။
ဒါကလည်း နောက်ထက် calender အဟောင်းတစ်ခုပါပဲ။
လက်ကမ်းကြေငြာတစ်ခု 

အနက်ရောင် နောက်ခံ လိုချင်တာ အနက်ရောင် စာရွက်ကလည်း မရှိတော့ ဒီလို အကြံရတယ်။






 အပေါ်က စာရွက်အဖြူထပ်ကပ်ထားတာ














 နောက်ထပ် အမဲရောင် တစ်ခု ထပ်လိုချင်တော့  ဒါက ဘာလေးလဲ သိလား...









 အကျီတံဆိပ်အပိုင်းအစကလေးပါ။






စာအုပ်အဖုံး အဟောင်း က ပန်းပွင့်လေးတွေ လှတယ် ဟုတ်?












 ကဲ ဒီလိုလေး ဖြတ်ပြီး ကပ်လိုက်တယ်။








နောက်ဆုံး လုပ်ပြမယ့် တစ်ခုပေါ့.. ဒါလေးက  ..





 ခေါင်းစီးကြိုးဝယ်လာတုန်းက ပါကင် အခွံ









 ခေါင်းစီးကြိုးပါကင်က အောက်ခံကတ်ထူပြား











 ကဲဒီလိုလေး ပုံဖော်ကြည့်မယ်။ စိတ်ကြိုက်ဖြစ်ပြီး ဆိုမှ ကပ်တာပေါ့။








 ရိုးရိုးရှင်းရှင်းလေးလဲ လှပါတယ်။









သင် အမှိုက်လို့ ထင်နေတဲ့ အရာတွေဟာ သိပ်လှတဲ့ အရာတွေအဖြစ် ပြောင်းဖို့ သူတို့အလှကို မြင်အောင် ကြည့်တတ်ဖို့ပဲ လိုပါတယ်။  အချိန်လည်း မကုန်ပါဘူး တစ်ခု ဖြစ်ဖို့ ၅ မိနစ်ကနေ ၁၀ မိနစ်လောက်ပဲ ကြာပါတယ်။ ကိုယ်တိုင် လုပ်ကြည့်ပြီးရင်  ကိုယ့် အနုပညာအတွက် ကြည်နူးမှု၊ ငါလုပ်နိုင်တယ် ဆိုတဲ့ ပျော်ရွှင်မှုတို့အပြင် ကိုယ်ပိုင်လက်ရာလေးမို့ လက်ဆောင်ရတဲ့ သင်ချစ်တဲ့သူကလည်း တန်ဖိုးထား ပျော်ရွှင်မှာပါ။ တစ်ခုလောက် ကြိုးစား လုပ်ကြည့်လိုက်ပါလားနော်။

ဆန်းသစ်တဲ့ စိတ်ကူးတွေ အများကြီး ပိုင်ဆိုင်လာပြီ ဆိုရင်တော့ .. ကိုယ်ပိုင် ဝင်ငွေရဖို့ဖြစ်ဖြစ်၊ လူမှုရေး လုပ်ငန်းတွေအတွက် ရန်ပုံငွေ ရှာဖို့ပဲဖြစ်ဖြစ်လည်း အသုံးတည့်ပါသေးတယ်။ 


ဒီလိုလုပ်ဖို့ အသုံးပြုလေ့ ပြုထရှိတဲ့လိုအပ်မယ့် ပစ္စည်းတွေဖြစ်တဲ့ စာရွက်တွေ၊ ခဲတံ၊ပေတံ၊ရောင်စုံ Maker Pen တွေ ၊ ကော်ဗူး ၊ tape ကတ်ကြေး၊ဓါး အခြေံခံ အသုံးပြုလေ့ပြုထ ရှိတဲ့ အလှဆင်ပစ္စည်းလေးတွေကို အသေးစိတ် ဒီထက် သိချင်တယ် ဆိုရင် ဒီ  The Basic Tools မှာ သွားကြည့်လို့ ရပါသေးတယ်။

  အောက်က ပုံလေးတွေကတော့ ကျွန်မတို့ သူငယ်ချင်းတွေ ကတ်လေးတွေ လုပ်ပြီး fundraising လုပ်ကြတုန်းက အမှတ်တရ ပုံလေးတွေပါ။ 


 ကတ်လေးတွေ လုပ်နေတဲ့ အနုပညာ မျက်သိ သိပ်ရှိတဲ့ ကျွန်မ သူငယ်ချင်း Blogger ကိုဟန်သစ်ငြိမ်ပေါ့... ကျွန်မ ကို ကတ်ကလေး လုပ်တတ်အောင် သူက စသင်ပေးတာပါ။





 ကျွန်မတို့ လုပ်ထားတဲ့ ကတ်လေးတွေကို ရောင်းနေတဲ့ ပန်းပုံပြင်လို့ ခေါ်တဲ့ ပြည့်ပြည့် ..





ခင်မင်စွာဖြင်..

အလွမ်းပြေ