Popular Posts
Subscribe To
Posts
Comments
Wednesday, November 9, 2011
Loy Krathong, Yee Peng and Mae Nam Goddess
ကောင်းကင် တစ်ခုလုံးလဲ မီးပုံးပျံတွေနဲ့ ကြယ်မိုး ရွာနေပြီလား လို့တောင် ထင်ရအောင်ပါပဲ။
ချင်းမိုင်ဟာ ရာသီအလိုက် သိပ်လှတဲ့ မြို့လေးပါ။ ထိုင်းနိုင်ငံရဲ့ ရာသီပွဲတော် တွေထဲက ထိုင်းမြောက်ပိုင်း ဒေသရဲ့ Luna Calendar အရ ထင်ရှားတဲ့ လပြည့်ပွဲတော် တစ်ခုဖြစ်တဲ့ Loy Krathong ပွဲတော် နောက်တစ်နည်း Yee Peng လို့လည်း ခေါ်တဲ့ ပွဲတော် တစ်ခုပါ။
Yee ဆိုတာက ဒုတိယ၊ Peng က လ(month) ကို ဆိုလိုတာမို့ Luna Calendar ရဲ့ ဒုတိယမြောက်လလို့ အဓိပ္ပါယ်ရပြီး Loy ဆိုတာက မျောခြင်း၊ Krathong ကတော့ ဖောင်ပါ Loy Krathong ဆိုတာ ဖောင်မျှောခြင်းလို့ အဓိပ္ပါယ်ရပါတယ်။
ဒီပွဲတော်ဟာ မြစ်နတ်သမီးကို ပူဇော်တဲ့ ပွဲတော်တစ်ခုပါ။
လူတွေ မြစ်ကို အသုံးပြုရင်း ညစ်ညမ်းစေခဲ့တာတွေ အတွက် တောင်းပန်တဲ့ ဓလေ့ တစ်ခုပါ။
Krathong လို့ခေါ်တဲ့ ငှက်ပျောပင်စည်ပိုင်းလေးကို ငှက်ပျောရွက်၊ ပန်း၊ အမွှေးတိုင်၊ ဖယောင်းတိုင် တို့နဲ့ အလှဆင်ထားတဲ့ ဖောင်သေးသေးလေးကို လပြည့်နေ့ ညနေခင်းမှာ မြစ်ထဲမျှောကြပါတယ်။
ဒီလို Krathongကို မြစ်ထဲ မျှောမပစ်ခင်မှာ မြစ်နတ်သမီးကို တောင်းပန်ပြီးရင် ကိုယ်လိုရာ ဆုကို လည်း တောင်းလေ့ရှိကြသလို။
ဒီဖောင်လေးနဲ့အတူ ဖောင်ပိုင်ရှင်ရဲ့ မကောင်းတဲ့ ကံမှန်သမျှလည်း ပါသွားပါစေတယ်။ သူ့စိတ်ထဲမှာ ရှိနေတဲ့ ဣဿာမစ္ဆရိယ မကောင်းတဲ့ စိတ်၊ မကောင်းတဲ့ အကျင့်တွေ ပါသွားပြီး စိတ်သစ်လူသစ်နဲ့ ကောင်းတဲ့ ဘဝအသစ်ကို ကံကောင်းတဲ့ ဘဝဆီကို ရောက်စေတယ်လို့ ယူဆကြပါတယ်။
ဒီပွဲတော်နဲ့ အလားတူ တစ်ချိန်ထဲမှာပဲ ကျွန်မတို့ မြန်မာနိုင်ငံမှာ တန်ဆောင်တိုင်ပွဲ၊ လာအိုမှာလည်း လပြည့် ပွဲများကို ကျင်းပကြတာတွေ့ရပါတယ်။
အဓိက ရှမ်းပြည်နယ်နဲ့ ရှမ်းနွယ်များနဲ့ စပ်ဆက်နေတဲ့ နယ်တွေဖြစ်တဲ့ ဒီ ချင်းမိုင်ဒေသ ၊ လာအို ဗီယန်ကျင်းနယ်တွေမှာ ခပ်ဆင်ဆင် တူတဲ့ ပွဲလို့ ပြောလို့ရတဲ့ မီးပုံးပျံလွှတ်၊ မီးထွန်းပွဲ တွေ လုပ်ကြတာပဲလို့ အကြမ်းဖျင်း ယူဆလို့ ရတာကို သတိပြုမိတယ်။
အဓိက ရှမ်းပြည်နယ်နဲ့ ရှမ်းနွယ်များနဲ့ စပ်ဆက်နေတဲ့ နယ်တွေဖြစ်တဲ့ ဒီ ချင်းမိုင်ဒေသ ၊ လာအို ဗီယန်ကျင်းနယ်တွေမှာ ခပ်ဆင်ဆင် တူတဲ့ ပွဲလို့ ပြောလို့ရတဲ့ မီးပုံးပျံလွှတ်၊ မီးထွန်းပွဲ တွေ လုပ်ကြတာပဲလို့ အကြမ်းဖျင်း ယူဆလို့ ရတာကို သတိပြုမိတယ်။
လာအိုနဲ့ မြန်မာနိုင်ငံရဲ့ ပွဲတွေကတော့ ဗုဒ္ဓဘာသာကို အခြေခံတဲ့ ပွဲတော်တွေ ဖြစ်တာကို တွေ့ရပါတယ်။ ချင်းမိုင်ကတော့ နတ်ကို အခြေခံတဲ့ ပွဲပေါ့။
Loy Krathong ပွဲရဲ့ အဓိကအနှစ်သာရက မြစ်စောင့်နတ်သမီးကို မြစ်ကို လူတွေ အသုံးပြုရင်း မြစ်ကို ညစ်ညမ်းနောက်ကျိစေခဲ့တာတွေ လူတွေရဲ့ အညစ်အကျေးတွေ မြစ်ထဲကို ရောက်ရှိခဲ့တာတွေ၊ မြစ်ကြောင်းတစ်လျှောက် မြစ်ကို ပျက်စီးစေခဲ့တဲ့ ပြူခဲ့မိသမျှ အပြူအမူတွေအတွက် မြစ်စောင့်နတ်သမီး စိတ်ဆိုးခဲ့ရင် မြစ်ရေကြီးတာတွေ ဒါမှ မဟုတ် မြစ်ရေခမ်းခြောက်တာမျိုးတွေ၊ မြစ်ကောသွားတာမျိုးတွေ မဖြစ်ရလေအောင် မြစ်စောင့်နတ်ကို တောင်းပန်တဲ့ ပွဲတော်ပါ။ ဒီပွဲတော်ရဲ့ နောက်ကွယ်မှာ လူသားတွေနဲ့ မြစ်ရဲ့ ဆက်စပ်မှု၊ မြစ်ရဲ့ အသုံးဝင်မှုနဲ့ တန်ဖိုးတွေကို နားလည် သတိရစေချင်တဲ့ သဘောလို့ ကျွန်မခံစားမိတယ်။
ဟိုရှေး တုန်းက လူဦးရေအရ လူနည်းစုမို့ ဒီလို မီးဖောင်မျှောတာ ဟာ မီးနဲ့ပူဇော်ခြင်းလား တခြား ဘယ်လို
ရည်ရွယ်ချက်နဲ့လဲ မသိပေမယ့် အခု များပြားလှတဲ့ လူဦးရေနဲ့ မျှောလိုက်ကြတဲ့
မီးဖောင်တွေဟာ ပွဲတော်အပြီးမှာ မြင်ရတဲ့ မြစ်တစ်လျှောက် မြင်ကွင်းကတော့ မြစ်ထဲမှာ ပေါလော ပေါလော မြောနေတဲ့ ငှက်ပြော ပင်စည် အပိုင်းအစတွေရယ် အမှိုက်တွေရယ် ပန်းအကြွေတွေရယ် ဖယောင်းစ တွေရယ် .... စတာ... စတာ... တွေနဲ့ ရှုပ်ပွ ညစ်ညမ်းနေတဲ့ မြစ်ပြင် ပါပဲ။ လမ်းတွေ ပေါ်မှာ အိမ်တွေ ပေါ်မှာလည်း မီးစာကုန်လို့ ပြုတ်ကျလာတဲ့ ပလစ်စတစ်မီးပုံးတွေက ဟိုမှာ ဒီမှာ.. လှပတဲ့ ပျော်စရာကောင်းတဲ့ ၊ ပွဲတော် တစ်ခုရဲ့ အပြီး မြင်ကွင်းတဲ့လား..။
ဒီနှစ် ကျွန်မ Krathong မမြောတော့ဖို့ ဆုံးဖြတ်လိုက်တယ်။ ကျွန်မ ကံကောင်းခြင်း၊ ကံမကောင်းခြင်းဟာ Krathong မျှောခြင်း မမျှောခြင်းထက် ကျွန်မ ရှင့်ရဲ့ မြစ်ကို ချစ်ခင်မြတ်နိုးလို့ မညစ်ညမ်းစေချင်တာ နတ်သမီး ခံစားမိမယ် ထင်ပါရဲ့။
ကျွန်မ အတွေးကို ရှင် ကောင်းချီးပေးလိမ့်လို့ ထင်ပါတယ်။
လှပနေတဲ့ ယဉ်ကျေးမှုနဲ့ ပွဲတော်ကို ချစ်ပေမယ့် ကျွန်မ မီးဖောင်မျှောပြီး ရှင့်ဆီမှာ ဆုမတောင်းတော့ပါဘူး.. Mae Ping မြစ်ရဲ့ Mae Nam နတ်သမီးရေ..။
လှပနေတဲ့ ယဉ်ကျေးမှုနဲ့ ပွဲတော်ကို ချစ်ပေမယ့် ကျွန်မ မီးဖောင်မျှောပြီး ရှင့်ဆီမှာ ဆုမတောင်းတော့ပါဘူး.. Mae Ping မြစ်ရဲ့ Mae Nam နတ်သမီးရေ..။
အလွမ်းပြေ
Subscribe to:
Post Comments (Atom)
0 comments: