အလွမ်းပြေ

ဒီလ အစပိုင်းမှာ ကျမ ကျောင်းနဲ့ ထိုင်းနိုင်ငံမြောက်ပိုင်း မဲခေါင်မြစ်တစ်လျှောက် Filed Trip ထွက်ရပါတယ်။ Chiang Khong ၊Chiang Sean နဲ့ Doi Patang ဆိုတဲ့ တောင်ပေါ်ဒေသတွေကို ရောက်ပါတယ်။

Sydney University က ကျောင်းသား ၂၆ ယောက်ပါတဲ့ အဖွဲ့ရယ် ကျွန်မတို CMU က ၂၄ ယောက်ရယ် ပေါ့။ မဲခေါင်ဒေသရဲ့ စီးပွားရေး လူမှုရေးအခြေအနေတွေကို လေ့လာရတဲ့ Filed Trip ပါ။ လမ်းတစ်လျှောက် ဆရာတွေက မနားရအောင် ခိုင်းတတ်လွန်းပါတယ်။ အင်တာဗျူးတွေလုပ် ညနေဆို presentation တွေလုပ်နဲ့ မနက် ၆နာရီကနေ ညနေ ၇ နာရီလောက်အထိ တစ်ခါမှ မနားလိုက်ရအောင် အကွက်စေ့စေ့မောင်းတာပါ။ ညစာစားပြီးရင်လည်း ကျောင်းပြန်ရောက်ရင် Field Trip Report တင်ရမှာမို့ စောစော မအိပ်ရဲပဲ ကိုယ်အဖွဲ့နဲ့ကိုယ် meeting လုပ်ရတယ်လေ.. ဒါပေမယ့် ခရီးတစ်လျှောက် လှပတဲ့ ရှုခင်းလေးတွေက အမောပြေစေတာ အမှန်ပဲ..။ ရှုခင်းဓတ်ပုံရိုက်ရတာ ဝါသနာပါတဲ့ ကျမအဖို့ကတော့ ဘာပြောကောင်းမလဲ ပေါ့..မနားတမ်း ရိုက်တာ ပုံပေါင်းကို မနည်းဘူး ဟီးဟီး ။

လမ်းတစ်လျှောက်မှာ အင်တာဗျူးဖို့ ထိုင်းဘာသာပြန်ပါပါတယ်။ ဒါပေမယ့် တကယ် ဘာသာပြန်ရတော့ ကျမဖြစ်နေတယ်လေ..။ ဘယ်သွားသွား ကျမတို့ ဗမာပြည်သားတွေချည်းပါလား..။ ကျောင်းသားအဖွဲ့မှာ မြန်မာပါမှန်းသိတော့ သူတို့က ဝမ်းသာကြတယ်..။ ကျမနဲ့ စကားတွေ အများကြီးလာပြောကြတယ်..။ အမျိုးတွေ့ တာလေ..။ ကျမလည်းပျော် သူတို့လည်းပျော်ပေါ့..။ တောင်ပေါ်မှာ ဈေးရောင်းတဲ့ အမကြီးဆိုရင် ညဘက် ကျမတို့ တည်းတဲ့ ဟိုတယ်ကို လိုက်လာပြီး သူ့ယောကျာင်္းနဲ့ ခလေးကိုပါခေါ်လာပြီး စကားလာပြောတယ်..။ သူ့ယောင်္ကျားက ရခိုင် သူက ရှမ်း..။ ကျမအတွက် မုန့်တွေ စားစရာတွေ ယူလာပြီး ဒီလိုကျောင်းသားအဖွဲ့မှာ တို့ဗမာပြည်ကပါတာ အမ ဝမ်းသာလို့ ညီမလေး စာများများဖတ်နိုင်အောင် အားရှိအောင်စားနော်တဲ့လေ..။ ကျမ မျက်ရည်တောင် ဝဲမိပါတယ်..။

သူက အမလေ ပြန်ချင်တယ် ဒါပေမယ့် သမီးလေး နှစ်ယောက်ကလည်းရှိဆိုတော့ ဒီမှာလို ငွေရှာရ အဆင်မပြေမှာ စိုးတယ် .. အခုက စားဖို့ နေဖို့ မပူရဘူးလေ တဲ့။ Chiang Sean ဆိပ်ကမ်းမှာ ကုန်တင်ကုန်ချ အလုပ်သမား အစ်ကိုကြီးကတော့ ငါလာတုန်းကတော့ ပိုက်ဆံစုပြီးရင် ပြန်မယ်ပေါ့ဟာ အခုတော့ ဟိုက လူတွေကလည်း အဆင်မပြေ၊ ဝင်ငွေသာတိုးမလာတာ ဒီမှာလည်း နေစရိတ် စားစရိတ်တွေက အရင်ကထက်ကြီးလာဆိုတော့ အိမ်ပြန်ပို့တာရယ် ငါ့အသုံးစရိတ်ရယ်နဲ့ မစုမိပါဘူးဟာ ဒီရောက်တာ ၄ နှစ်ကျော်ပြီ ဘယ်တော့များမှ ပြန်ဖြစ်မလဲ မသိတော့ပါဘူးဟာလို့ ပင်ပန်းသံကြီးနဲ့ ရင်ဖွင့်ရှာတယ်..။

ကျမ Chiang Sean ကနေ ဟိုးဘက်ကမ်းမှာ ခပ်ပြပြမြင်နေရတဲ့ ကျမတို့မြေကို လှမ်းမျှော်ကြည့်ရင်း ရင်ထဲမှာ လွမ်းမောမောလာတယ်… ။ ကျမကတော့ ကျောင်းပြီးရင် ပြန်မှာ.. ကျမလိုပဲ လွမ်းမောမောနေမယ့် သူတို့ကရော…………။